193-guruh talabasi Ibragimov Asadbekning Bioinformatika fanidan

GenBank AQShda joylashgan bo‘lib, NCBI portali orqali malakaoshiruvchilar foydalanishi mumkin. EMBL -Yevropa molekulyar biologiya laboratoriyasi Buyuk Britaniyada va DDJB -Yaponiyaning DNK ma‘lumotlar bazasi, Yaponiyada joylashgan. Uchalasi ham nukleotidlar ketma-ketliklarini qabul qilishadi, so‘ngra ular orasidagi optimal sinxronizatsiyaga erishish uchun har kuni yangi va yangilangan ma‘lumotlarni almashadilar. Ushbu uchta ma‘lumotlar bazasi asl ketma-ketlik ma‘lumotiga ega bo‘lganligi uchun birlamchi ma‘lumotlar bazasiga birikadi -INSDC va ular Sequence Read Archive -SRA bilan hamkorlik qiladi, u yuqori o‘tkazuvchanlikdagi ketmaketliklaridan olingan ma‘lumotlarni arxivlaydi. GenBankning ketma-ket ma‘lumotlar bazasi ochiq foydalanish, barcha ommaga ma‘lum bo‘lgan nukleotidlarning izohli to‘plami va ularning proteinli tarjimalaridan iborat. Ushbu ma‘lumotlar bazasi nukleotidlarning ketma-ketligi bo‘yicha xalqaro ma‘lumotlar bazasi -INSDC bilan hamkorlik qilish doirasida Milliy biotexnologiya ma‘lumotlari markazi -NCBI tomonidan ishlab chiqiladi va saqlanadi. Dunyo bo‘ylab laboratoriyalarda 100000 dan ortiq alohida organizmlardan ishlab chiqariladigan ketma-ketliklarni jamlaydi. GenBank biologik sohalarda tadqiqotlar olib borish uchun muhim ma‘lumotlar bazasiga aylandi va so‘nggi 18 yilda har ikki oyda ikki baravar ko‘payib, geometrik progressiv o‘sdi.
EMBL (Yevropa molekulyar biologiya laboratoriyasi). Yevropa molekulyar biologiya laboratoriyasi-EMBL. Nukleotidlarning ketma-ketligi to‘g‘risidagi ma‘lumotlar bazasi - Yevropa bioinformatika institutida -EBI saqlanadigan birlamchi nukleotidlarning ketma-ket to‘plamini saqlaydi. Ma‘lumotlarni genomlarni sekvenirlash markazlaridan, alohida olimlardan va patent idoralaridan oladi.
DDBJ-Yaponiya DNK ma’lumotlar banki. U Yaponiyaning Shizuoka prefekturasidagi Milliy Genetika Institutida -NIG joylashgan. Bu Osiyodagi yagona nukleotidlar ketma-ketligi ma‘lumotlar banki hisoblanadi. Garchi DDBJ o‘z ma‘lumotlarini asosan yapon tadqiqotchilaridan qabul qilsa-da, u har qanday boshqa mamlakatlarning tadqiqotchilaridan ma‘lumotlarni qabul qilishi va taqdim etishi mumkin. Ko‘pgina ikkilamchi ma‘lumotlar bazalari shunchaki GenBank yoki EMBL kabi birlamchi ma‘lumotlar bazalarining biridan yoki ikkinchisidan ajratib olingan kichik to‘plamdir. Boshqa ikkilamchi ma‘lumotlar bazalari ham mavjud bo‘lib, ular hech qanday ketma-ketlikni taqdim etmaydilar, ularda ketma-ketliklarning ma‘lumotlar bazalarida to‘plangan ma‘lumotlar mavjud.