2-мавзу. Бекатда саралаш иншоотлари, турлари ва қўлланиши. Саралаш тепалиги турини танлаш. Саралаш тепалиги планини танлаш ва стрелкали бўғзини лойиҳалаш

Саралаш тепаликларининг қурилмалари

Замонавий саралаш тепаликлари автоматлаштирилган тизимларнинг техникавий воситаталари комплекси билан жиҳозланиши лозим ва улар қуйидагиларни таъминлаши керак:

• 
  таркибларни суриш ва ташлашни бошқариш;
  
• 
  ҳаракат йўлларини бошқариш;
  
• 
  узилмаларнинг тушиш тезлигини ростлаш;
  
• 
  манёвр ҳаракатларини бошқариш;
  
• 
  саралаш парки йўлларининг тўлишини назорат қилиш;
  
• 
  техник воситалар диагностикаси ва назорати;
  
• 
  компрессорларни автоматлаштириш;
  
• 
  СС БАКТ (саралаш станциясини бошқарувининг автоматлаштирилган комлекс тизими) ичида ахборот алмашуви.
  

Тепалик автоматлаштириш тизимларининг янги авлоди ва уларнинг функциялари 1.1-жадвалда келтирилган.


Жадвал 1.1
Тепаликни автоматлаштиришнинг замонавий тизимлари

Номи	Бажарадиган функцияси
ТДТҚ Тепаликнинг дастурли-топшириқли қурилмаси	ТАМ М даги БАТ СТ (бошқарувнинг автоматлаштирилган тизими саралаш станциясида) дан ташлаш программасини киритиш ва бу жараённи ташлаш вақтида синхронлаштириш учун
М ТАМ, МН микропроцессорли тепаликнинг автоматлашган марказлаштиргичи	Узилмалар ҳаракатланиш маршрутлари бўйича стрелкаларни бошқариш учун
ТАЛС Р Тепалик автоматлаштирилган локомотив сигнализацияси, бунда ахборот локомотив радиоканали ва телебошқаруви орқали узатилади	Суриш, ташлаш, чўктириш ва саралаш паркидаги манёврларни бажаришда тепалик локомотивини телебошқариш учун
МТБҚ Мўлжаллаб тўхтатишни бошқариш қурилмаси ТТР Узилмаларни тушиш тезлигини автоматик ростлаш	Узилмаларни тўхтатиш жараёнини бошқариш (узилмаларни тушиш тезлигини ростлаш)
ТНҚ Йўллар тўлишининг назорати қурилмаси	Саралаш парки йўлларининг бўшлиги, “бўшлиқ”лар мавжудлик назорати ва узилмаларнинг урилиш тезлигини аниқлаш учун
КС БАТК Компрессор станциясини бошқаришнинг автоматлаштирилган тизими	Компрессор станциясининг бошқарувини автоматлаштириш
СТ ТДБ ТВК (пульт) Саралаш тепалигида тезкор-диспетчерлик бошқаришнинг техникавий воситалар комплекси	Саралаш тепалигини тезкор-диспетчерлик бошқаруви учун

Тортиш йўллари ва стрелкали бўғизларнинг техникавий таъминоти сифатида стрелкаларнинг электрли марказлаштириш қурилмалари, ЭМ пост оператори таркиб тузувчи ва бошқа ҳодимлар билан ўзаро сўзлашуви учун стационар радио ва телефон алоқаси, технологик тизими бир зайлда ишлашини таъминловчи бошқа қурилма ва иншоотлар қурилади.

3.