2. Mavzu. Kreativ pedagogikaning tarkibiy tuzilmasi va asosiy kategoriyalari

“Kreativ pedagogika”ning boshqa fanlar bilan aloqadorligi

Shaxs kamolotini taʼminlash, uning intellektual, maʼnaviy-axloqiy hamda jismoniy jihatdan rivojlanishiga erishishda turli yosh davrlari, har bir davrning oʼziga xos jihatlari, shuningdek, bolaning fiziologik, psixologik holatini inobatga olish maqsadga muvofiqdir. Yaxlit pedagogik jarayon muayyan turkumni tashkil etuvchi pedagogik fanlar tomonidan oʼrganiladi. Shu bilan birga “Kreativ pedagogika” fani bir qator ijtimoiy fanlar bilan oʼzaro aloqadorlikda kreativ shaxsning shakllanishi va rivojlanishi masalalarini tadqiq etadi.

Kreativ pedagogikaning pedagogika turkum va ijtimoiy fanlar bilan oʼzaro aloqadorligi Umumiy pedagogika nazariyasi va amaliyoti Xususiy metodika
(xususiy fanlarni oʼqitish) Boshlangʼich taʼlim pedagogikasi Korrektsion (maxsus) pedagogika
Maktabgacha taʼlim pedagogikasi

Pedagogik texnologiya va pedagogik mahorat Kasbiy pedagogika

Taʼlim menejmenti Qiyosiy pedagogika Pedagogik kvalimetriya Pedagogik texnika Neyropedagogika Hamkorlik pedagogikasi Harbiy pedagogika Pedagogik innovatika
Pedagogik jarayonni boshqarishda qarorlar qabul qilish Ilgʼor pedagogik xorijiy tajribalar
Innovatsion taʼlim texnologiyalari Pedagogik jarayonlarning tizimli tahlili
Pedagogik prognostika va pedagogikaning istiqbolli yoʼnalishlari Psixologiya
Estetika asoslari Falsafa
Umumiy pedagogika nazariyasi va amaliyoti – har tomonlama rivojlangan, barkamol shaxsni shakllantirish, unda dunyoqarash va yuksak maʼnaviy-axloqiy sifatlarni tarbiyalash, pedagogik fikrlarning paydo boʼlishi va rivojlanish tarixini, turli davrlarda bola tarbiyasini tashkil etishga oid bilimlarning shakllanishini tadqiq qiladi.
Maktabgacha taʼlim pedagogikasi – maktabgacha taʼlim yoshi bolalarini tarbiyalash, ularga boshlangʼich bilimlarni berish masalalarining tadqiqi bilan shugʼullanadi.
Boshlangʼich taʼlim pedagogikasi – boshlangʼich sinf oʼquvchilarining yosh, psixologik xususiyatlarini inobatga olgan holda ularni oʼqitish va tarbiyalash jarayonini oʼrganadi.