3-ma’ruza X. K. Qarshiboyeva cbot tipi btpii

Ba’zi innovatsion yondashuvlar vaqtinchalik va ba’zilari esa doimiy xususiyatga ega bo’ladi. Shu jihatdan innovatsion texnologiyalarni o’zgarib va yangilanib boruvchi vositalar majmui sifatida tasavvur qilish kerak. Bularning barchasi ta’lim tizimida innovatsiyalarning quyidagi uch shaklga ega ekanligini ko’rsatadi:

• mutlaq yangiliklar;
• nisbiy yangiliklar;
• vaqtinchalik yangiliklar.

Boshlang’ich ta’limda innovatsiyalarni joriy etish uchun quyidagi omillar mavjud bo’lishi kerak:

• a) boshlang’ich ta’limga davlat moliyaviy xarajatlarining ko’p bo’lishi;
• b) boshlang’ich ta’limning me’yoriy-huquqiy asoslari mavjud bo’lishi;
• v) innovatsion fikrlovchi boshlang’ich sinf o’qituvchilari va murabbiylarining yetarli darajada bo’lishi;
• g) boshlang’ich ta’limni eng zamonaviy texnik jihozlar bilan jihozlanish

2.Boshlang’ich sinf o’qituvchilarining innovatsion faoliyati

O’zbekiston Respublikasi Prezidentining 2020 yil 27 fevraldagi PQ-4623-sonli “Pedagogik ta’lim sohasini yanada rivojlantirish chora – tadbirlari to’g’risida”gi Qarori bilan 2020-2021 o’quv yilidan boshlab quyidagi ta’lim yo’nalishlarida innovatsion tarzda pedagoglar tayyorlash maqsadida bakalavriat bosqichi 3 yil qilib belgilandi:

• Musiqa ta’limi yo’nalish;
• Jismoniy madaniyat ta’lim yo’nalishi;
• Texnologik ta’lim yo’nalishi;
• Chaqiriqqacha harbiy ta’lim yo’nalishi;
• Tasviriy san’at va muhandislik grafikasi ta’lim yo’nalishi.

Boshlang’ich sinf o’qituvchilarining innovatsion intilishlarini rag’batlantirib borish kerak bo’ladi. Bunda quyidagilarga amal qilish samarali hisoblanadi:

• boshlang’ich sinf o’qituvchilarining malakasini oshirish va qayta tayyorlash kurslarida muntazam ravishda innovatsion texnologiyalar bo’yicha bilim berib borish;
• innovatsion–kasbiy faoliyatga intiluvchi boshlang’ich sinf o’qituvchilarini aniqlash va ularga metodologik yordam berish;
• innovatsion faoliyat ko’rsatayotgan boshlang’ich sinf o’qituvchilarining tajribalarini ommalashtirish.