3-Мавзу. Асосий воситалар ва номоддий активлар хисоби

3.3. Асосий воситаларга амортизация ҳисоблаш усуллари ва уларнинг ҳисоби

5-сон БҲМСга мувофиқ, асосий воситалар бўйича амортизация суммаси қуйидаги усуллардан бирини қўллаш йўли билан ҳисобланиши мумкин:

1) бир текисда (тўғри чизиқли) ҳисоблаш;
2) бажарилган ишлар ҳажмига мутаносиб равишда ҳисоблаш (ишлаб чиқариш усули);
3) камайиб борувчи қолдиқ усули (икки каррали амортизация меьери) ;
4) йиллар йиғиндиси усули (кумулятив усул).
Бир текисда (тўғри чизиқли) ҳисоблаш усули- амортизация ажратмаларининг йиллик суммаси асосий воситалар объектининг бошланғич (қайта тиклаш) қийматидан унинг тугатиш қийматини айириш орқали ва мазкур обьектнинг фойдали хизмат муддатидан келиб чиқиб аниқланади:
Масалан: Компьютернинг бошланғич қиймати 1100000 сўм, унинг фойдаланиш муддати охиридаги қолдиқ (тугатувчи) қиймати 100000 сўм, фойдали хизмат муддати 5 йил, йиллик амортизация меьёри амортизацияланадиган қийматнинг 20%ни ёки 200000 сўм ((1100000-100000)/5=200000) сўмни ташкил этади.
Бажарилган ишлар ҳажмига мутаносиб равишда ҳисоблаш (ишлаб чиқариш усули) - асосий воситалар обьектининг ҳар бир конкрет йилдаги ишлаб чиқариш ҳажмига асосланади.
Камайиб борувчи қолдиқ усули (икки каррали амортизация меьёри) - амортизацияни ҳисоблаш даврида активнинг амортизацияланадиган қиймати камайиб боради.

Амортизация ажратмалари даври	Бошланғич (қайта тиклаш) қиймат	Амортизациянинг йиллик суммаси	Тўпланган амортизация	Баланс қиймати
1-йил охири	1 100 000	40% х 1100000= 440000	440 000	660 000
2-йил охири	1 100 000	40% х 660000= 264 000	704 000	396 000
3-йил охири	1 100000	40% х 396000=158 400	862 400	237 600
4-йил охири	1 100000	40% х 237600=95 040	957440	142 560
5-йил охири	1 100 000	(40%х 142560=57024 «назорат мақсадида") 1000000-57440= 42560	1000 000	100 000