3-Мавзу. Автомобил транспортида юк ташиш асослари

Аксарият ҳолларда ишлатувчи таралар: яшик, коплар (ипчик, толали, қоғоз-крафтқоп), битумлаштирилган ёки битумлаштирилмаган, полуэтапилен (минерал ўғитлар учун), метал ва ёғочли бочкалар ва бошқалар.

Одатда юкларни ташиш, ортиш ва тушириш операцияларида саклаш мақсадвда -таралар маркировкаланадилар. Маркировкалаш тўрт хил бўлади:

• 
  товар маркировкаси -ишлаб чиқарувчи завод номи, юк тури ва оғирлиги кўрсатилади;
  
• 
  юк маркировкси - жўнатиш ва элтиб бориш жойи (пункти), юк жўнатувчи ва қабул этувчилар кўрсатилади;
  
• 
  транспорт маркировкаси - тўлдирилган хужжат номери (тартиби) ва жойлар сони кўрсатилади;
  
• 
  махсус маркировка - айрим хусусиятлар кўрсатилади. «сурилмасин», «устки қисми», «эҳтиёт бўлинг - синади» ёки фужер расми, «нурдан сақланг» ва ҳ.к.
  

Контейнерларда юк ташишнинг асосий афзалликлари куйидагилардан иборат:

-ортиш ва тушириш операцияларида ТВ туриб қолишини камайтириш;

-меҳнат сарфини камайтириш, чунки транспорт воситаси платформасидан юкларни туширишга нисбатан контейнердан тушириш ва унга ортиш анча кам меҳнат талаб қилади;

-юк ташишда уларнинг яхши сакланишини таъминлаш;

-аралаш транспорт турларкда ташишда контейнерларда юк ташиш ўнғайлиги. Чунки бир транспорт туридан иккинчисига контейнерни ўтказишда, фақат унинг қулфи пломбасини бузулмаганлиги текширилади холос. Хужжат алмашуви анча осонлашади.

Юкларни ташиш

Ташиш юкларни ишлаб чиқариш жараёнининг давомидир. У саноатда ишлаб чикарилган, қишлоқ хўжалигида етиштирилган ва бошқа соҳаларда махсулотни истеъмолчига етказиб беради.

Аммо ишлаб чиқарилган буюм ҳажм билан ташилган юклар миқдори, йил давомида, истеъмолчилар ўртасидаги тақсимоти ўзаро тенг бўлмайди. Сакоатда, айниқса қишлок хўжалигида ишлаб чиқарилган махсулотнинг барчаси ҳам транспортда (ташқи) транспортда ташилмайди. Махсулотнинг маълум қисми ўша жойнинг ўзида истеъмол этилади. Махсулотларнинг айрим қисми эса транспортда икки ва ундан ортик марта ҳам ташилиши мумкин.