3. Сканерлар. Плоттерлар. Дигитайзерлар

Графикли режимда экранга алоҳида мозаик (нақшинкор) элементлардан — пикселлардан (pixel-picture element) шакллантирилган мураккаб схемалар ва чизмалар ва ҳарфларнинг турли хил шрифтли ва ўлчамли ёзувлари, видеотасвирлар чиқарилади.
Мониторларнинг юқори ўтказиш қобилияти энг аввало графикли режимда керак ва пиксель ўлчами билан боғликдир.
Ўтказиш қобилияти монитор экранида горизонтал ва вертикал бўйича жойлаштириладиган пикселларнинг максимал сони билан ўлчанади. Ўтказиш қобилияти монитор тавсифларига ҳам ва ҳаттоки юқори даражада, видеоназоратчи тавсифларига ҳам боғлиқ бўлади. Замонавий мониторларнинг ўтказиш қобилиятини стандарт қийматлари:
640х480, 800х600,1024 х 768, 1280х1024,1600х1200, лекин амалда бошқа қийматлар ҳам бўлиши мумкин. Шуни таъкидлаш жоизки, ўтка­зиш қобилияти қанчалик катга бўлса, мултичастотали мониторларда кадрли ёйиш частотаси шунчалик паст бўлади, лекин хар қандай ҳолатда ҳам у 65 Гц дан пасаймайди (масалан, Sony Multiscvan 20 sfll мониторида 640х480 ўтказишда кадрлар частотаси — 150 Гц, 800х600 да — 120 Гц, 1024х768 да — 100 Гц, 1280х 1024 да — 80 Гц ва 1600х 1200 да - 67 Гц).
Видеоназоратчи тавсифларидан ўтказиш қобилиятига ва мо­нитор экранидаги тасвир сифатига унинг видеохотираси сиғими кўпрок таъсир этади.
Ўтказиш қобилиятини ва экрандаги тасвирнинг тиниқлигини аниқ-лайдиган мониторнинг ўзининг муҳим тавсифи монитор экрани лю­минофоры дончаси (нуқтани—dot pitch) ўлчамидир: нуқта қанчалик кичик бўлса, табиийки, тиниқлик шунчалик юқори бўлади ва кўзлар шунчалик кам чарчайди. Нуқта катталиги замонавий мониторларда 0,23 дан 0,28 мм гача бўлади. Қатьий айтганда, нуқтанинг диаметри эмас, балки нуқталарнинг марказлари орасидаги масофа аҳамиятга эгадир.
Шуни ҳисобга олиш керакки, катта нуқтали мониторларда юқори ўтказиш қобилиятига эришиш мумкин эмас. Масалан, диагонали 14 дюйм бўлган экран 265 мм кенгликка эга бўлади, горизонтал бўйича 1024 та нуқтали ўтказиш қобилиятини олиш учун нуқта ўлчами 265/1024=0,22 мм дан ошмаслиги керак, акс ҳолда пикселлар қўшилиб кетади ва тасвир тиниқ бўлмайди.
1-жадвалда, ўтказиш қобилиятининг стандарт қийматлари учун баъзи типик ўлчамли мониторлар экрани нуқтасининг юқори тиниқликни таъминловчи максимал рухсат этилган ўлчами кўрсатилган.