7-tema. XIX ásirdiń ekinshi yaRİMİ-xx ásirde dúNYa pedagogika iliminiń rawajlaníWÍ. K. D. UshInskiydiń pedagogikalíq miyrasí jobasi

7-TEMA. XIX ÁSIRDIŃ EKINShI YaRİMİ-XX ÁSIRDE DÚNYa PEDAGOGIKA ILIMINIŃ RAWAJLANÍWÍ. K.D.UShINSKIYDIŃ PEDAGOGIKALÍQ MIYRASÍ


JOBASI:
10.1. XIX ásirdiń aqırı -XX ásirde Batıs Evropa, AQSh, Rossiyada reformatorlıq pedagogikası hám onıń tiykarǵı baǵdarları.
12.2. M.V.Lomonosov hám onıń rus pedagogikası menen mektepleriniń rawajlanıwındaǵı ornı.
10.3. L.N.Tolstoydıń pedagogikalıq kóz-qarasları.
10.4. K.D.Ushinskiydiń didaktikalıq kóz-qarasları hám pedagogikalıq miyrası.
Temanıń maqseti: Studentlerge XIX ásirdiń 2- yarımı-XX ásirde dún’ya pedagogika iliminiń rawajlanıwı tariyxı, sonday aq ullı rus pedagogı K.D.Ushinskiydiń pedagogikalıq miyrası haqqında túsinik beriw.
Temanıń wazıypaları: Studentlerge XIX ásirdiń aqırı -XX ásirde Batıs Evropa, AQSh, Rossiyada reformatorlıq pedagogikası hám onıń tiykarǵı baǵdarları haqqında túsinik beriw, olardı Rossiyada pedagogikanıń qáliplesiwi hám rawajlanıwına ózleriniń salmaqlı úleslerin qosqan ullı rus alım hám pedagogları M.V.Lomonosov, L.N.Tolstoy, K.D.Ushinskiylerdiń pedagogikalıq miyrasları, aldıńǵı ideyaları, eldegi mekteplerdi rawajlandırıw baǵdarında etken xızmetleri boyınsha maǵlıwmatlar menen qurallandırıw.
Tayanısh sózler: Tárbiya laboratoriyası, pedagogikalıq antropologiya, oqıtıw principleri, oqıtıw metodları, tárbiya teoriyası, reformatorlıq pedagogikası xrestomatiya, sabaqlıq, pedagogikalıq miyras, pedagogikanıń tiykarǵı baǵdarları, pedagogikalıq ideyalar, mektepke shekemgi tálim pedagogikası.
Temanıń mazmunı:
10.1. XIX ásirdiń aqırı -XX ásirde Batıs Evropa, AQSh, Rossiyada reformatorlıq pedagogikası hám onıń tiykarǵı baǵdarları.

XIX ásirdiń aqırı XX ásirdiń baslarında sol dáwirdegi burjuaziyalıq mámleketlerdiń pedagoglarına óz tásirin tiygizgen bir qansha pedogogikalıq teoriyalardıń rawajlanıwına jańasha kóz-qaraslar júzege kele basladı. Bilim beriw hám tárbiyalawdıń wazıypaları qayta kórip shıǵıla baslandı. Pedagogika iliminin rawajlanıwı ushın jańa baǵdarlar payda boldı. Sol zamanda jasaǵan Shveciyalı jazıwshı hayal E.Keydiń kórsetkenindey «balalar ásiri» kirip keldi. Russonıń «erkin tárbiya teoriyası» jańasha formada dún’yaǵa qayta keldi.

Bul dáwirde Batıs Evropa ellerinde baslanǵısh tálim haqqındaǵı nızamlardıń qabıl etiliwine qaramastan bilimlendiriwdi rawajlandırıw boyınsha demokratiyalıq háreketler háwij ala basladı. Filosofiyanıń sensualizm ideyasına (Max,Avenarius), háreketler filosofiyasına (Fixte,I.Gyote), adamzattıń ádep-ikramlıq máselelerine (Nicshe), individtiń rawajlanıwı máselelerine (Dj.D’yui,V.Dil’tey) qayta oralıwı pedagogikalıq izleniwlerdiń barısına óziniń tásirin tiygizdi. Individtiń rawajlanıwı hám ózin-ózi rawajlandırıwı, tárbiyada májbúrlew hám erkinlik shegaraları, jeke hám jámáátlik tárbiya arasındaǵı baylanıs h.t.b. aktual máselelerge aylandı.