9-mavzu: Chaqiruvga qadar boshlang‘ich tayyorgarlik fanini o‘qitishdagi ilg‘or xorijiy tajribalar Reja
Download 256.66 Kb. Pdf ko'rish
|
KpsJgB4IN3eJXWs3XVN4JIEc49zAesKjgNdD7N9E
- Bu sahifa navigatsiya:
- Tayanch iboralar
- “Ilg‘or jangchi”
|
9-mavzu: Chaqiruvga qadar boshlang‘ich tayyorgarlik fanini o‘qitishdagi ilg‘or xorijiy tajribalar Reja: 1. Chaqiruvga qadar boshlang‘ch tayyorgarlik fanini o‘qitishda ilg‘or tajribalarning ahamiyati. 2. Caqhiruvga qadar boshlang‘ich tayyorgarlik fanini o‘qitishda rivojlangan davlatlar bilan harbiy ta’lim hamkorligining o‘rni. Tayanch iboralar: tajriba, ilg’or tajriba, harbiy ta’lim, milliy harbiy san’at, harbiy meros. Chaqiruvga qadar boshlang‘ch tayyorgarlik fanini o‘qitishda ilg‘or tajribalarning ahamiyati Darhaqiqat, Qurolli Kuchlarimizning jangovar salohiyatini yuksaltirish, uning moddiy-texnik bazasi va infratuzilmalarini mustahkamlash, zamonaviy qurol-yarog‘ va aslahalar bilan ta’minlash, harbiy xizmatchilarning jismoniy, ma’naviy- intellektual, ruhiy tayyorgarligini oshirish, ijtimoiy himoyasini yanada kuchaytirish eng ustuvor vazifa bo‘lib qolmoqda. Davlatimizning harbiy-siyosiy masalalar bo‘yicha qat’iy pozitsiyasini ifoda etadigan Mudofaa doktrinasi asosida amalga oshirilayotgan tub islohotlar natijasida milliy armiyamiz tezkor va ixcham, har qanday tahdidlarga munosib zarba berishga qodir bo‘lgan samarali jangovar tizimga aylanib bormoqda. Xalqimizning “Bilagi zo‘r birni yengadi, bilimi zo‘r – mingni” degan maqolida chuqur ma’no bor. Shu nuqtai nazardan, Qurolli Kuchlarimizni modernizatsiya qilish, xususan, harbiy ta’lim sohasiga zamonaviy bilim, ilg‘or xorijiy tajribalar, innovatsion g‘oyalar, axborot-kommunikatsiya texnologiyalarini keng joriy etish bo‘yicha boshlangan ishlar sifat bosqichiga ko‘tarilmoqda. Rivojlangan xorijiy davlatlarning ilg‘or tajribalari hamda zamonaviy qurolli nizolar xususiyatlari inobatga olingan holda qo‘shinlarni boshqarish tizimini takomillashtirish, ularni bosqichma-bosqich zamonaviy qurol-yarog‘ va texnika bilan ta’minlash bo‘yicha manzilli chora-tadbirlar belgilanib, bu yo‘nalishlarga ham ilmiy yondashuv va ilg‘or axborot-kommunikatsiya texnologiyalarini jadal joriy etish ishlari olib borilmoqda. Shuningdek, so‘nggi yillarda respublikamiz va xorijiy yetakchi ilmiy markazlar bilan uzviy hamkorlikni rivojlantirgan holda oliy harbiy ta’lim muassasalari ilmiy salohiyatni yanada rivojlantirish, harbiy ta’lim sifatini takomillashtirish, ilmiy va ilmiy-pedagog kadrlar tayyorlash ko‘lamini kengaytirish, professor-o‘qituvchilarni uslubiy mahoratini oshirish– eng muhim masalalardan biriga aylanib bormoqda. Ta’kidlash lozimki, bu yo‘nalishlarda olib borilayotgan ishlar, albatta, o‘z samarasini bermoqda. Ya’ni harbiy sohada ilmiy tadqiqotlarning olib borilishi, harbiy xizmatchilarning xorijiy tillar va zamonaviy axborot-kommunikatsiya texnologiyalarini o‘zlashtirishi keng dunyoqarashga ega va yuqori malakali harbiy mutaxassislarning kamol topishiga, ularning xalqaro tanlov va harbiy o‘yinlarda munosib o‘rinlarni egallab, Qurolli Kuchlarimizning dunyodagi nufuzi oshishiga keng imkon yaratdi. 2021 yilning 19-24 aprel kunlari Amerika Qo‘shma Shtatlarining Missisipi shtatidagi “Camp Shelby” harbiy o‘quv bazasida o‘tkazilgan “Ilg‘or jangchi” musobaqasining g‘oliblarini taqdirlash marosimi bo‘lib o‘tdi. Ushbu musobaqa joriy yilgi musobaqalarning avvalgilariga nisbatan yanada qizg‘in va murosasiz bahslarga boy tarzda o‘tib, mehmon sifatida ishtirok etgan O‘zbekistonlik harbiylarning bilimi, mahorati, jasurligi va shijoati e’tirof etildi. Biz uchun an’anaga aylangan ushbu musobaqada o‘zbekistonlik hamkasblarimiz ikkkinchi marotaba ishtirok etishmoqda. Tan olib aytish lozimki, bu safar ham ular nafaqat jismoniy, balki jangovar va aqliy tayyorgarlik, qurol-aslahani bilishda ham yaqqol ustunlikka ega bo‘ldilar. Bu esa bizning serjantlarimizni o‘z ustida yanada ko‘proq ishlashga undaydi. Ishtirokchilar sun’iy to‘siqlarni yengib o‘tish, uzoq masofani bosib o‘tish, jang maydonida yaradorlarga birinchi tibbiy yordam ko‘rsatish, shuningdek, tunda harbiy topografiyani bilish bo‘yicha musobaqalashdilar. Tashkilotchilar tomonidan O‘zbekistonlik harbiy xizmatchilar III darajali serjant Dilmurod Sulaymonov hamda kichik serjant Xayrulla Olimovga musobaqa g‘oliblari uchun beriladigan “Ilg‘or jangchi” mukofoti va ko‘krak nishonlari tantanali ravishda topshirildi. Shuni ta’kidlash joizki, ushbu musobaqada ishtirok etgan harbiy xizmatchilarimiz 2019 yilda ham I o‘rinni qo‘lga kiritgan edilar. Bunday yutuqlar O‘zbekiston va rivojlangan mamalakatlar o‘rtasidagi harbiy sohadagi hamkorlikning yaxshi yo‘lga qo‘yilganidan dalolatdir. Download 256.66 Kb. Do'stlaringiz bilan baham: 
|