A. M. Shonazarov kasbiy psixologiya

Kasb psixologiyasining predmetining ta’rifiga asoslanib, uning quydagi vazifalarini ajratib ko‘rsatish maqsadga muvofik:
Talabalarni ilmiy ma’lumotlar bilan tanishtirish:
1.Kasb tanlash va shaxs xususiyatlari o‘rtasidagi bog‘liqlikni asoslash;
2.Kasblar psixodiagnostikasi haqida tushuncha berish;
3.Shaxsning kasbiy shakllanishi asosiy tushunchalari va tadqiqot tamoyillarini, o‘zining faoliyatiga tegishli uslublarini asoslash;
4.Kasb psixologiyasi predmetiga mos bo`lgan tadqiqot uslullarini ishlab chiqish va o‘ziga xos uslublarini to‘zish;
5.Kasblarning tavsifiy tuzilmasini psixologik tahlil qilish, kasblarni proyektlash uslublari va tamoyillarini ishlab chiqish;
6.Shaxsning kasbiy shakllanishi qonuniyatlari va psixologik mexanizmlarini tadqiq etish. Bu jarayon dinamikasini determinantlovchi omillarni aniqlash, kasbiy shakllanishdagi inkirozlarni tahlil etish;
7.Mutaxassislikning kasbiy desturuksiyalarini, ya’ni shaxsning deformatsiyasi, kasbiy faoliyatga bo`lgan layoqatini pasayishi va boshqalar;
8.Shaxsning kasbiy rivojlanish monitoringni yuritish, bu borada psixodiagnostik vositalarni ishlab chiqish hamda mutaxassislarni attestatsiyadan o‘tkazish;
9.Shaxsning kasbiy shakllanishiga psixologik yordam hamda insonning kasbiy hayoti davomida yordam berish, qo‘llab-qo`vvatlash;
10.Kasbiy maslaxat, kasbiy ma’lumotning shaxsiy rivojlantiruvchi psixologik jixatlari, attestatsiyadan o‘tkazish, kasbiy rivojlanish psixotexnikasi, kasbiy korreksiya va reabilitatsiya, kasbdan ketishga psixologik tayyorgarlik borasidagi bilimlar bilan qurollantirishdan iborat.
Kasb psixologiyasining metodologik asosi - bu shaxsning kasbiy shakllanish konsepsiyasidir. Mazkur konsepsiyaning asosiy moxiyati shundaki, kasb tanlash jarayonida shaxs miqdor va sifat jixatidan rivojlanib boradi, ya’ni ular o‘z yo’nalishini boyitib boradi, shu orqali tajriba va saloxiyat shakllanadi. Kasbiy shakllanish jarayonida inkirozlar, tuknashuvlar, destruktiv o‘zgarishlar bo‘lib o’tishi mumkin. Bu jarayonning tezligi biologik va ijtimoiy omillarga, shuningdek tasodifiy holatlarga, hayotiy muhim kasbiy voqealarga bog‘liq bo`ladi.