A. N. Samadov reklama faoliyatini tashkil etish

Dastlabki bosqichda reklama rejasini tuzishga reklama bo‘limi vakilining bevosita ishtirokida asosiy bo‘linmalar rahbarlarini jalb etuvchan maqsadga muvofiq. Dastlab reklama qilinishi zarur bo‘lgan tovarlar va xizmatlar ro‘yxati belgilanadi. So‘ngra – reklama o‘tkazish vaqti belgilanadi.
Ikkinchi bosqichda har bir tovar yoki xizmat bo‘yicha reklama maqsadlari turlari, shuningdek, ommaviy axborot vositalari va ularda reklama joylashtirish muddatlari belgilanadi. Bunda ushbu tadbir uchun qo‘shimcha reklama materiallari tayyorlash imkoniyatini ham hisobga olish zarur.
Uchinchi bosqichda reklamaga sarflash mumkin bo‘lgan pul mablag‘lari real hajmi belgilanadi. Ajratilgan mablag‘larga qarab, reja loyihasiga tuzatish kiritiladi. Agar mablag‘lar etarli miqdorda ajratilmagan bo‘lsa, rejada reklama berish davriyligini o‘zgartirish, nashr maydonini qisqartirish yoki reklama xabari berish vaqtini o‘zgartirish mumkin.
To‘rtinchi bosqichda reklamaga bo‘lgan ehtiyojni belgilangan davrda (yil, chorak) real imkoniyatlar bilan yakuniy muvofiqlashtirish amalga oshiriladi.

Nazorat va muxokama uchun savollar

1. 
   Reklama jarayoni qatnashchilarining asosiy funksiyalari nimalardan iborat?
   
2. 
   Reklama agentliklarining funksiyalariga ta’rif bering.
   
3. 
   Reklama jarayonini amalga oshirishda qanday sub’ektlar ishtirok etadi?
   
4. 
   Reklama agentliklarining rivojlanishi qanday sabablar bilan izohlanadi?
   
5. 
   Reklama agentliklarida kanday bo‘limlar bo‘ladi?
   
6. 
   Reklama agentliklarini tanlashda nimalarga etibor qaratish kerak?
   
7. 
   Korxonada reklama ishlari qanday rejalashtiriladi?
   
8. 
   Dunyodagi eng yirik reklama agentliklarini sanab bering.
   
9. 
   Reklama tarqatishning qanday kanallarini bilasiz?
   
10. 
    Reklama harakatining asosiy ko‘rsatkichlariga ta’rif bering.