“абу райҳон беруний” Тўрт парда, беш кўринишли т а р и Х и й д р а м а

Ибн Сино:- Қандай даҳшат! Э, худойим, гуноҳимиз не эди! Хўб, биз кетдик. 
Тезрор боринг! 
Беруний:- Орқангиздан етамиз. 
Ибн Сино билан Беруний қучоқлашиб хайрлашадилар. Сўнг Ибн Сино ва 
Ҳудойберди чиқиб кетишади. Кўп ўтмай, дарвоза ёнидаи чопиб кетган от 
туёқларининг дупури эшитилади. 
Беруний:- (узоқлашиб бораётган от туёқларининг дупурига қулоқ солади) 
Қоплон ботир бунча ҳаяллади... Таажжуб... 
Жаъфар:- Жанг қилмоқда бўлса керак... Ё қуршовда қолгандир... 
Сочлари тўзиган, кийимлари йиртилган, куйган Бибисора кириб келади. Бир 
қўлида қуруқ сопол коса. Уни кўриб Беруний даҳшатга тушади. Жаъфар 
ҳайратда, қўрқувда. 
Бибисора:- Мана, сув... Ичинг!.. Ичинг!.. Хоразмда сув йуқ.. Тўғонларни бузиб 
ташлашди... Мен бу сувни Амудан келтирдим... Ичинг!.. Ичинг! . (Йиғлайди.) 
О, шўрим.. Хоразм¬га ўт қуйдилар... Хоразм ёниб кетди... Ана! Ёняпти... Сув 
сепинг!.. Сув сепинг!.. Ўтни ўчиринг!.. Менинг уйим ҳам ёниб кетди... Боламни 
қилич билан чопишиб, ўлигини қузғунларга ташлашди... Боламни қузгунлар еб 
қўйди... Ёлғиз боламни... Энди тузалувди... Боламни қайтариб беринглар!.. 
Золимлар!.. Жаллодлар!.. Дод... Дастингиздан дод!.. Боламни қайтариб 
беринглар!.. (Йиғлаб югурганча чиқиб кетади.) 
Беруний:- Қандай даҳшат! Қандай даҳшат! Фожианинг сўнгги йўқ!.. 
Даҳшатларга дош беролмай телба бўлмиш, бечора... 
Жаъфар:- Ҳа, бечора Бибисора тамом озмиш ақлдан. 
Шу пайт яраланган, қонга беланган Қоплон ботир қиличини судраб, 
гандираклаб, зўрға юриб кириб келади. 
Беруний:- (хаяжонда) Қоплон ботир, нима бўлди? 
Қоплон ботир:- Яраландим... 

---

44 
Беруний:- Ё, раббий! 
Қоплон ботир:- Алдадилар... Биз алдандик... Ҳа саройда хиёнат!..Шоҳ 
Маъмунни ўлдирдилар... Ўт қўйишди саройга.