Ҳаёт гўзал!” Ота-оналар ва педагоглар учун мўлжалланган

Танишув “Менинг кайфиятим”

Мақсад: тренинг иштирокчиларининг кайфиятини ўрганиш.
Машқнинг бориши: иштирокчилар кайфиятларига мос келадиган рангни танлайдилар ва ўз исмларини ёзадилар (ташриф қоҳозини яратадилар). Ўз навбатида, улар ўзларининг исмини, ижобий сифатини айтадилар ва нима учун бу рангни ташриф қоғози (ассоциация) учун танлаганликларини тушунтирадилар.

Қизил - бу рангни танлаган одам ҳозирда фаол, ўзига ишонган ва қатъиятли. Сиз атрофингиздагиларни қувватлантирасиз ва иш кунидан кейин ҳам кўп нарсаларни бажаришга тайёрсиз. Бундан ташқари, қизил ранг тажовузкорлик ва асабийлашиш ҳақида гапириши мумкин. Ҳозирги ҳолатни кескин, қўзғалувчан ва нотинчлик сифатида ҳам тавсифлаш мумкин.
Сариқ - бахт ва ақл рангидир. Шунинг учун, агар сиз ушбу рангни танлаган бўлсангиз, у ҳолда сиз мулоқот қилиш, янги билим ва маълумотларни олиш зарурлигини ҳис қилаётган бўлишингиз мумкин. Бундай ҳолатда вазифаларни ҳал қилиш осон. Бундан ташқари, сариқ ранг ижобий кайфият ва хотиржамликни кўрсатади.
Яшил - бу ҳамжихатлик ва табиийлик ранги. Бироқ, яшил кайфият икки хил бўлиши мумкин: ташқи томондан сиз хотиржам кўринишингиз мумкин, аммо ҳис-туйғулар (кўпроқ ижобий) ичингизда қайнаши мумкин. Яшил ранг, шунингдек, таҳлил қилиш тенденсияси ҳақида гапиради: ҳозирги пайтда сизни қандайдир қарор, ўтмишдаги хотиралар ёки келажак учун режалар чалғитиши мумкин.
Мовий - мутлақ уйғунлик ҳақида “сўзлайди”: ичкарида содир бўлаётган нарса ташқарида акс этади. Бу ранг хотиржамлик ва тинчлик ҳақида гапиради. Айни пайтда сиз ўз-ўзингизга шўнғишингиз ёки кимгадир ҳамдард бўлишингиз мумкин. Бироқ, бундай ҳолатда муаммоларни ҳал қилиш учун ўз кучларини сафарбар қилиш қийин.
Қора - хавотирланиш ва тўхталиш. Бу баҳсли ранг. Бир томондан, у хавфсизлик ва барқарорлик ҳисси ҳақида гапирса, бошқа томондан, қайғу ва тушкунликни билдиради. Қора рангни танлаш кескинлик ёки стрессни кўрсатади. Айни пайтда сиз ўзингизни бахтсиз ёки омадсиз ҳис қилишингиз, ва ёки ёлғиз қолишни хоҳлайотган бўлишингиз мумкин.

“Умумий нарсани топинг” машқи

Тренинг иштирокчилари умумий доирада ўтиришади. Бошловчи тўпни атрофга узатади. “Ҳамма бир-бирингизга диққат билан қаранг ва барчамизни нима бирлаштириши мумкинлиги ҳақида ўйланг.” Тўпни узатишда ҳар бир иштирокчи кейинги иштирокчига тўпни узатаганда 1 та умумий хусусият билан номлайди.

“Ер хазинаси” машқи

Менинг қўлимда сеҳрли қути бор, унда ер сайёрасининг энг қимматли хазинаси бор. Келинг, бу хазина билан танишайлик. (Ҳамма қутига навбатма-навбат қарайди, у ерда кимни кўрганини айтмайди)
Сеҳрли қутида кимни кўрдингиз? Шундай қилиб, ҳар бир киши ўзини сеҳрли қутида кўради.
Дунёдаги энг қимматли нарса ҳар бирингизсиз, чунки одамлар туфайли дунё ноёб ва ранг-барангдир.
Шундай экан, бугунги учрашувимиз мавзуси “Ҳаёт гўзал” деб номланади.

“Ҳаёт бу” машқи

Сокин мусиқа остида иштирокчилар айлана бўлиб ёниб турган шамни бир-бирига - ҳаёт рамзини ўтказишади.
Тасаввур қилинг-а, ёниб турган шам сизнинг ҳаётингиздир. Шам сизнинг қўлингизда бўлганда, у ёниб туриши ёки ўчиб қолишини фақат сиз ҳал қилишингиз мумкин. Ҳаётда ҳам худди шундай - нима бўлишини фақат ўзингиз ҳал қиласиз. Иборани давом эттиринг: “Ҳаёт бу ...”
“Ўз бахтингни ярат” қадимий масал
Худо одамни лойдан ясади ва унда бир бўлак ортиб қолди.
- Яна нима ясай сенга? - сўради Худо.
- “Бахтимни яса”, деди одам.
Худо жавоб бермади ва фақат одамнинг кафтига қолган лой бўлагини қўйди. Ўйлаб кўриб айтинг-чи, нега Худо қолган лой бўлагини одамни кафтига қўйди?
Бахт биз билан бирга юради,
У табассум билан айтди: “Қара!
Мени излаш шарт эмас
Мен ҳар доим шу ердаман, чунки мен ичингдаман!"

“Бахт калаваси” ўйини

- Бугун биз ҳамма нарсани қила оладиган сеҳргарлар бўламиз. Мен сизга бахт матосини тўқишни таклиф қиламан. Матони тўқиш учун бизга иплар керак. Менинг қўлимда оддий ипнинг бир парчаси. Бугун биз уларни бахт ипларига айлантирамиз. Бир-бирингизни ҳис қилишингиз учун айлана шаклида туринг. Биз ипларни бир-биримизга узатамиз. Кимнинг ипи бўлса, у саволга жавоб бериши керак: “Бахт нима?” ва бу ипни ўзингиз танлаган бошқа одамга беринг. Бир одамдан иккинчисига ўтадиган оддий иплар бахт ипларига айланади.
- Бизнинг барча жавобларимиз, ҳаёлларимиз, бахт ҳақидаги фикрларимиз иплар хотирасида муҳрланган. Энди бу иплар ёрдамида биз бахт матосини тўқиймиз. Қандай ҳис-туйғулар, фикрлар ва истаклар билан биз бу матони тўқисак, у шундай чиқади. Ипни хоҳлаган иштирокчига топширасиз ва унга мақтов билдирасиз.