Агарда бу занжирларни узиш зарурияти туғилган тақдирда, аввал узиш керак бўлган ердан ўлдинроқ

4§. МЕГАОММЕТР ВА ЭЛЕКТР ЎЛЧОВ АСБОБЛАРИ БИЛАН БАЖАРИЛАДИГАН ИШЛАР

407. Изоляция қаршилигини мегаомметр билан ўлчашни ўчирилган ток ўтказувчи қисмлардаги электр заряди олдин ерга улаш орқали олингандан кейингина бажарилиши керак. Ток ўтказувчи қисмдаги ерга улагич фақат мегаомметр улангандан сўнггина олиниши зарур.

408. Мегаомметр билан изоляция қаршилигини ўлчашда мегомметрдан чиққан симни ток ўтказувчи қисмига изоляцияланган қисқич (штанга) ёрдамида улаш керак. Кучланиши 1000 Вольтдан юқори электр ускуналарида бундан ташқари диэлектрик қўлқопдан фойдаланиш зарур.
409. Мегаомметр билан иш бажариш жараёнида мегомметрга уланган ток ўтказувчи қисмларга тегиш ман этилади. Иш тамом бўлгандан сўнг ток ўтказувчи қисмлардаги қолдиқ заряд уларни қисқа вақт ерга улаш билан олиниши зарур.
410. Мегаомметр билан изоляция қаршилигни ўлчашни III–гуруҳга эга бўлган ходим бажариши мумкин.
Агар изоляция қаршилигини ўлчаш, ушбу электр ускунасида бажарилаётган иш ҳажмига кирса, наряд ёки қармойишда бу иш тўғрисида эслатиш талаб қилинмайди.
411. Асбобни улаш ва ажратиш 1000 Вольтгача кучланиш остида бўлган электр занжирини узишни талаб қилса, бу ишларни ушбу тармоқдан кучланиш олингандан кейингина бажариш керак. Асбобни улаш ва ажратиш электр занжирини узишни талаб қилмаса, бу ишларини электр ҳимоя воситаларини қўллаб кучланиш остида бажариш мумкин.
412. Мабодо, 1000 Вольтдангача кучланиш остида бўлган электр ускуналарининг электр параметрларини ўлчаш талаб қилинса, у ҳолда кўчма ўлчов асбобини металл ғилофи ерга уланиши ва изоляцион тутқичли ўлчови сим ёки махсус шчупдан фойдаланиш лозим.
ХVII БОБ. КУЧЛАНИШ ОСТИДА ЭЛЕКТР УСКУНАЛАРИ ИЗОЛЯТОРЛАРИНИ ЮВИШ ВА ТОЗАЛАШ

413. Электр ускуналаридаги изоляторлар шокилаларини, таянч изоляторларни ва чинни изоляторларни ток ўтказувчи қисмдан кучланишни олмасдан туриб, ҳаво электр узатиш тармоқлари учун слоиштирма ўтказувчанлиги 1430 мкСм/см бўлган ва очиқ тақсимловчи электр ускуналари учун 667 мкСм/см бўлган узлуксиз оқимли сув билан ювиш мумкин.

Оқим узунлиги ушбу қоиданинг 8–иловасида кўрсатилганидан кам бўлмаслиги шарт.
414. Ювиш жараёнида дастак телескопик минора ва сувли цистерна ерга уланиши шарт.
Телескопик минорада туриб ювишга учига дастак ва унга кийдирилган учлик кўндаланг кесим юзаси камида 25 мм² бўлган эгилувчан мис сим ёрдамида телескопи минора корзинаси ва автоцистерна рамаси билан бир–бирига уланган бўлиши зарур.
Ердан туриб ювишда диэлектрик қўлқопдан фойдаланиш зарур, телескопик минорадан ёки автоцистернага ўрнатилган махсус металл майдончада туриб ювишда диэлектрик қўлқопдан фойдаланиш талаб қилинмайди.
415. Ердан туриб, ювиш жараёнида ювиш учун ишлатилаётган машина ва механизмларга тегиш, ушбу машина кабинасидан ёки кузовидан чиқиш ва унга кириш ман этилади.
Ювиш учун ишлатилаётган машина ва механизмларга бегона одамларнинг яқинлашишига қарши чоралар кўрилиши шарт.
Сувли шлангни бошқа ерга кўчиришга фақат, изолятор ювиб бўлганидан кейингина рухсат этилади.
416. Ёпиқ тақсимловчи электр ускуналари изоляторларини ток ўтказувчи қисмлардан кучланишни олмасдан изоляцион штангага ўрнатилган махсус чўткалар ёки комплектида ишчи тешик изоляцияловчи штангаси кийдирилган учлиги бўлган чанг ютиш машинаси ёрдамида тозалаш мумкин.
Тозалашни полда ёки мустаҳкам тахта супада туриб бажариш керак. Тозалаш жараёнида диэлектрик қўлқопдан қойдаланиш зарур.
417. Ишни бошлашдан олдин изоляцион штангаларнинг юзаси чангдан тозаланиши шарт. Штангани ички юзасини ҳар доим ва иш жараёнида мунтазам чангдан тозалаб туриш зарур.