Ajratish dastgohlari: mexanik va gidravlik
Download 0.49 Mb. Pdf ko'rish
|
15-Ma\'ruza
- Bu sahifa navigatsiya:
- Mexanik spiralli tasniflagich
|
15-MA’RUZA. BO’TANALARNI FAZALARGA (QATTIQ VA SUYUQ) AJRATISH DASTGOHLARI: MEXANIK VA GIDRAVLIK SINFLAGICHLAR (KLASSIFIKATOR). REJA: 1. Mexanik (spiralli) klassifikatorlarning tuzilishi va ishlash prinsipi 2. Gidrosiklonlarning tuzilishi va ishlash prinsipi 3. Gravitatsion gidravlik tasniflagich Tasniflagich - dastlabki mahsulotni elovchi yuza qo`llamagan holda ikki yoki undan ko`p o`lchamdagi sinflarga ajratish uchun qo`llaniladigan uskunadir. Olib boriladigan tasniflash jarayoni muallaq holdagi yirik va mayda zarrachalarni sokin yoki harakatdagi muhitda erkin bo`lmagan tushish tezliklari farqiga asoslangan. Tasniflagichda bo`tana turli o`lchamdagi ikki yoki undan ko`p mahsulot (fraktsiya)ga bo`linadi. Ikki mahsulotga bo`linganda, katta o`lchamdagi mahsulot qum fraktsiyasi, qisqacha qum deb ataladi va mayda mahsulot sliv deb ataladi. Uch yoki undan ko`p mahsulotga (fraksiyalarga) bo`linish ko`p mahsulotli tasniflagichlarda amalga oshiriladi. Ishlash usuli bo`yicha tasniflagichlar bo`linish gravitatsiya kuchlari ta`siri ostida kechadigan - gravitatsion (piramidali, konusli, elevatorli va skrebkali), va markazdan qochma kuchlar ta`siri ostida bo`linadigan - markazdan qochma (gidrosiklonlar, yoysimon g’alvirlar) ga bo`linadi. Tasniflagichlarning konstruktiv tuzilishiga qarab bo`tananing (yoki qo`shilgan suvning) harakati vertikal, gorizontal, klassifikatorning o`qi bo`ylab yoki spirali bo`ylab berilishi mumkin. Mexanik spiralli tasniflagich (48-rasm) qiya korita 1, koritaning ichiga o`rnatilgan bir yoki ikkita aylanuvchi spiral 3 bilan jihozlangan val 2 dan iborat. Ajralish gorizontal oqimda sodir bo`lib, yirik mahsulot – qumga va mayda mahsulot – slivga ajraladi. Dastlabki mahsulot tasniflagichning pastki qismidan koritaning yon devorida joylashgan qabul qiluvchi cho`ntak orqali yuboriladi. Yirik zarralar (qum) korita tubiga cho`kadi va aylanuvchi spiral bilan tasniflagichning yuqori qismiga bo`shatuvchi tirqish 4 tomon harakatlanadi. Mayin zarrachalar esa bo`tana ko`rinishida sliv yoqasida 5 dan oqib chiqib ketadi. Download 0.49 Mb. Do'stlaringiz bilan baham: 
|