Акциядорлик жамиятлари ва акциядорларнинг ҳуқуқларини ҳимоя қилиш тўғрисида

89-модда. Жамиятнинг мол-мулк олиши
ёки уни тасарруфидан чиқариши
билан боғлиқ йирик битимлар
Қуйидагилар йирик битимлар деб ҳисобланади:
битимлар тузиш ҳақида қарор қабул қилинаётган санада жамият активлари баланс қийматининг
йигирма беш фоизидан ортиқ қийматга эга бўлган мол-мулкни жамиятнинг олиши ёки
тасарруфидан чиқариши билан боғлиқ ёхуд жамият бевосита ёки билвосита мол-мулкни
тасарруфидан чиқариши эҳтимоли билан боғлиқ битим ёки ўзаро боғланган бир неча битим, оддий
хўжалик фаолиятини юритиш асносида содир этиладиган битимлар бундан мустасно;
жамият томонидан илгари жойлаштирилган оддий (одатдаги) акцияларнинг йигирма беш
фоизидан кўпроғини ташкил этадиган оддий (одатдаги) акцияларни ёки оддий (одатдаги)
акцияларга айирбошланадиган имтиёзли акцияларни жойлаштириш билан боғлиқ бир ёки ўзаро
боғланган бир неча битим.

---

"Ўзкимёсаноат" АЖ // /uzkimyosanoat.uz
53/66
Йирик битимга сабаб бўлган мол-мулк қийматини аниқлаш жамият кузатув кенгаши томонидан
амалга оширилади.
90-модда. Жамиятнинг мол-мулк олиши
ёки уни тасарруфидан чиқариши билан
боғлиқ йирик битимни тузиш
Қиймати битим тузиш тўғрисида қарор қабул қилинаётган санада жамият активлари баланс
қийматининг йигирма беш фоизидан эллик фоизгачасини ташкил этувчи мол-мулк хусусида бўлган
йирик битим тузиш тўғрисидаги қарор кузатув кенгаши томонидан якдиллик билан қабул
қилинади, бунда кузатув кенгашининг таркибдан чиқиб кетган аъзолари овози ҳисобга олинмайди.
Йирик битим тузиш масаласида жамият кузатув кенгашининг якдиллигига эришилмаган ҳолларда
йирик битим тузиш тўғрисидаги масала кузатув кенгаши қарорига мувофиқ акциядорлар умумий
йиғилиши ҳукмига ҳавола этилиши мумкин.
Битим тузиш тўғрисида қарор қабул қилинаётган санада жамият активлари баланс қийматининг
эллик фоизидан ортиқ қийматни ташкил этувчи мол-мулк хусусида йирик битим тузиш тўғрисидаги
қарор акциядорларнинг умумий йиғилиши томонидан қабул қилинади.