Акромегалия. Гигантизм. Нанизм. Эндокринология

Инструментал- бош мия компьютер ва магнит-резонанс томографияси: ўсма ёки гипофиз аденомаси аниқланади.
ДИФФЕРЕНЦИАЛ ДИАГНОСТИКА:
1. Қандли диабет билан- бунда гипергликемия, глюкозурия ва сийдик нисбий зичлигининг баландлиги кузатилади.
2. Психоген (невроген) полидипсия билан- бунда клиника аста-секин бошланади, қандсиз диабетда эса ўткир бошланади; психоген полидипсияда қуруқ емиш берилганда яъни суюқлик чегараланганда диурез камаяди, сийдикнинг нисбий зичлиги ортади, дегидратация белгилари намоён бўлмайди, бемор аҳволи ёмонлашмайди, қандсиз диабетда суюқлик чегараланганда диурез камаймайди, сийдикнинг нисбий зичлиги ортмайди ва беморда дегидратация белгилари намоён бўлади (тана массасининг камайиши, қонда гемоглабин, эритроцит ва оқсил микдорининг ошиши), бемор аҳволи ёмонлашади (кўнгил айниши, қусиш, ичнинг суюқ ўтиши, мушак титрашлари, бош оғриғи, тахикардия, психик қўзғалишлар, коллапс). Шу учун суюқликни чеклаш 6-8 соатдан ошмаслиги керак. Бундан ташқари психоген полидипсияда полиурия ва полидипсия кўпинча кундузги пайтларда кузатилади. Яна натрий хлорли синама ўтказилади: 2,5% ли 50 мл натрий хлор вена ичига 45 минут давомида юборилади. Ҳар 15 минутда сийдик йиғилади. Психоген полидипсияда плазма осмотик концентрациясининг ошиши АДГ секрециясини стимуллайди ва диурез камайиб, нисбий зичлиги ортади, қандсиз диабетда ўзгармайди. Сийдик ҳайдовчи препаратлар билан ўтказиладиган синама- бемор 100 мг гипотиазид қабул қилади. Қандсиз диабетнинг марказий формасида парадоксал эффект бошланади- диурез камайиб, нисбий зичлик ортади, психоген полидипсияда ўзгармайди.
3. Сурункали буйрак етишмовчилиги билан- анмнезида буйрак касалликлари ва гипертониянинг бўлиши, лабаратор- суткалик диурез 3-4 л гача, лейкоцитурия, цилиндрурия, протеинурия, гематурия кузатилади.
4. Қандсиз диабетнинг марказий ва периферик формасини бир-биридан фарқлаш- бу учун питуитринли ёки десмопрессинли синама ўтказилади: марказий формасида бу синамалардан кейин диурез камаяди ва сийдикнинг нисбий зичлиги ортади, периферик формасида ўзгармайди.
ДАВОЛАШ:
1) пархез- рацион мева, сабзавотлар ва сут махсулотларига бой бўлиши керак.
2) этиотроп- ўсма бўлганда оператив йўл билан ўсмани олиб ташлаш. Операцияга қарши кўрсатма бўлганда нур билан даволаш буюрилади. Этиологиясида яллиғланиш бўлганда антибиотикотерапия, сифилис бўлганда унга қарши курашилади.
2) патогенетик- марказий формасида ўринбосар гормонал терапия: адиурекрин (қорамол гипофизидан олинган кукунли экстракт) кунига 3-4 маҳал интраназал, унинг давомийлиги 6-8 соат. Питуитрин (қорамол гипофизидан олинган сувли экстракт), таъсир давомийлиги 4-5 соат. Препарат 1 мл 5 ТБ кунига 3-4 маҳал тери остига юборилади. Десмопрессин, девоид- бу препаратлар томчи шаклида бурунга томизилади. АДГ секрециясини кучайтириш ва буйрак дистал каналчаларида унга рецепторлар сезгирлигини ошириш мақсадида карбамазепин (финлепсин, тегретол) қўлланилади. АДГнинг синтетик аналоги 1-дезамино- 8Д-аргинин-вазопрессин жуда эффектли ҳисобланади. У кунига 2-3 маҳал интраназал юборилади. Сийдик ҳайдовчи препарат 100 мг дихлотиазид берилади, у диурезга пародоксал таъсир қилади.