Aloqa tugunlari

Aloqani o‘rnatish quyidagilarni o‘z ichiga oladi: 
– kanal hosil qiluvchi apparaturani (stansiyani) ishga tayyorlash, yoqish, aloqaga 
kirish, o‘lchash, kanallarni sozlash va to‘g‘rilash, kanallarni chetki apparatxonaga 
(stansiyaga) topshirish; 
– chetki apparaturani to‘g‘rilash va sozlash, uni aloqa kanaliga qo‘shish, aloqa ishi 
sifatini tekshirish. 
Chizma-buyruqda ko‘zda tutilgan aloqalarni o‘rnatish AT navbatchi smenasi shaxsiy 
tarkibi tomonidan ATBN rahbarligida amalga oshiriladi.
Daladagi (harakatdagi) ATda rejalashtirilgan aloqalarni o‘rnatishda rahbarlikni 
shtatdagi mansabdor shaxslar shaxsan va AT(ATE)BN orqali amalga oshiradilar. 
Bunda daladagi (harakatdagi) AT(ATE) BNga quyidagilar yuklatiladi: 
– aloqa o‘rnatish bo‘yicha vazifalarni aniqlashtirish va jangovar navbatchilikni qabul 
qilish; 
– xizmat aloqasini o‘rnatish va navbatchilikni qabul qilganligi haqida bo‘ysunuvi 
bo‘yicha doklad qilish; 
– bog‘lovchi liniyalarni sinovdan o‘tkazish va ularni kanallarni uzatish uchun 
tarqatish bo‘yicha JPlar navbatchi hisoblari harakatlarini boshqarish; 
– aloqaga kirish, kanallarni sozlash va ularni chetki apparatxonalarga topshirish 
bo‘yicha farmoyishlarni berish; aloqani o‘rnatishda ishtirok yetayotgan JP(guruh, element, 
AT)lar o‘rtasidagi harakatlarni muvofiqlashtirish; 
– o‘rnatilayotgan aloqalarning o‘z vaqtidaligini va sifatini nazorat qilish; 
– bajarilayotgan vazifalarni, ularni hal qilishni qiyinlashtirayotgan sabablarni va 
ko‘rilgan choralarni tezkor-texnik hujjatlarda o‘z vaqtida rasmiylashtirish; 
– qo‘shinlarni pinhona boshqarish va aloqa xavfsizligi talablarini bajarilishi ustidan 
qat’iy nazorat olib borish. 
Aloqa holatining nazorati AT navbatchi smenasi mansabdor shaxslari tomonidan, 
aloqaning, kanal (liniya) larning holati va aloqa vositalarining ish holati haqidagi 
ma’lumotlarni yig‘ish, umumlashtirish va tahlil qilib borish yo‘li bilan olib boriladi.