Aloqa tugunlari

4.3. REVlarning EMMini ta’minlash bo‘yicha tadbirlar 
Radioelektron vositalarning elektromagnit mosligini ta’minlashga qaratilgan tadbirlar 
tashkiliy va texnik tadbirlarga bo‘linadi.
Tashkiliy tadbirlarga quyidagilar kiradi:
1. Ishchi chastotalarni to‘g‘ri taqsimlash va tayinlash. 
2. Chastotalar farqini ta’minlash. 
3. Hududiy farqni ta’minlash. 
4. Vaqt bo‘yicha farqni ta’minlash. 
5. Kenglik bo‘yicha farqni ta’minlash. 
Tashkiliy tadbirlarga radiochastotalar spektrining yuklanishini nazorat qilish, 
ma’lum REV jamlanmasida umumiy EMMni baholash, halaqit manbalarini aniqlash va 
ularni bartaraf etish bo‘yicha tavsiyalar berish bilan bog‘liq bo‘lgan ishlar ham kiradi. 
Uning bajarilishi radionazorat xizmatiga yuklangan.
Bundan tashqari, vaziyatning konkret shartlaridan kelib chiqib, halaqitlar bilan 
kurashning boshqa usullari ham qo‘llanilishi mumkin:
– uzatkich quvvatini chegaralash; 
– halaqit quvvatining spektral zichligini kamaytirish uchun maxsus signallardan 
foydalanish; 

---

48 
– halaqitlar yo‘nalishida antennalar yaqiniga maxsus ekranlarni (metall setkalarni) 
qurish orqali, antennalarning yo‘naltirilganlik diagrammasini halaqitlar yo‘nalishida 
“o‘pirish” bilan sintezlash. 
Texnik tadbirlarga quyidagilar kiradi: 
– yangi ishlab chiqarilayotgan, sotib olinayotgan REVning chastotalar diapazonini 
to‘g‘ri tanlash;
– yangi ishlab chiqilayotgan harbiy texnika namunalarining REV EMMni belgilovchi 
parametrlarini yaxshilash; 
– REVning o‘zaro halaqitlardan himoyasini kuchaytiruvchi usullarni va uskunalarni 
qo‘llash. 
Radiostansiyani joylashtirish o‘rnini tanlashda joylarning relyefi, radioto‘lqinlar 
tarqalishining xususiyatlari, yaqin oradagi radiohalaqitlar o‘chog‘i, yirik inshootlar va 
binolar, elektr uzatish va aloqa liniyalari mavjudligini hisobga olish zarur. Shuningdek, 
shaxsiy tarkibni va qurilmalarni dushman ommaviy qirg‘in quroli va o‘tidan himoyalash 
imkoniyati ham albatta hisobga olinishi kerak.
Radiostansiya joylashish o‘rnini to‘g‘ri tanlash aloqa masofasini uzaytiradi, 
radioaloqa mustahkamligi va ishonchligini oshiradi.