Амалий машғулот. №3 Илмий тадқиқот ўтказиш режасини тузиш

3. Магистрлик диссертацияси унинг мазмуни ва таркибий қисмлари. Магистрлик 
диссертацияси - магистратурада таълим олаётган талабанинг якунловчи иши ҳисобланади. 
Диссертация иши талабанинг ўқиш даврида эгаллаган назарий ва амалий билимлари 
асосида бажарилган илмий тадқиқот ишининг натижасидир.
Диссертация иши мавзуси ишлаб чиқариш, таълим, фан-техника, шу жумладан, 
машинасозлик, кимёвий технология, енгил саноат ва матбаа, ижтимоий ва бошқа 
соҳалардаги илғор ва долзарб масалаларга бағишланиб, муайян бир вазифани илмий 
ечимини топишга, ишлаб чиқаришга, статистик маълумотлар таҳлилига қаратилган бўлиши 
шарт.
Магистрлик диссертациянинг якуни бўлиб давлат квалификацияси аттестацияси яъни 
магистрлик диссертацияси ҳимояси ҳисобланади. 
Диссертация иши танланган мавзунинг илмий асосга ва натижаларга эга бўлган илмий 
ёки илмий-амалий мазмундаги якуний малакавий иши ҳисобланади.
Диссертация иши шундай кўринишда тақдим eтилиши керакки, токи унинг асосида 
мазкур диссертация мазмуни қай даражада ёритилган ва асосланганлигини, унинг 
янгилигини аниқлаш осон бўлсин.
Диссертация иши бажарилиши, унинг муаллифи мустақил илмий (амалий) изланиш 
олиб боргани, мукаммал муаммоларни топгани ва уларни ҳал қилиш йўлларини ўргангани 
ҳақида далолат бериши керак. 
Магистрлик диссертациясининг муаллифи ишни бажаришда ўзининг илмий малакавий 
даражасини, айниқса мустақил илмий изланишни олиб бориш ва аниқ илмий-техник 
масалаларни ҳал этиш бўйича қобилиятларини намаён қила олиши керак. 

---

Магистрлик диссертацияси мантиқий ўйланган режа асосида ёзилади. Мазкур режа 
муаммо, таҳлил ва илмий-амалий масалаларни ҳал этиш йўлларини ифодалайди. Хорижий 
тажрибаларни ўрганиш ва йиғилган материаллардан фойдаланиш асосида магистрант 
диссертацияда қўйилган масалаларни ҳал eтиш йўлларини, миллий таълим тизими ва 
иқтисодиётнинг ўзига хос хусусиятларини ва тармоқ корхоналари муаммоларини ҳисобга 
олган ҳолда аниқ мантиқий таклифлар киритади.