Anatomiya oraliq savol javoblari Savol. Og'iz bo‘shlig‘ining taraqqiyoti

23- savol. Plevra — pleura
O'pka tashqi tarafdan, ham da ko'krak qafasi devorlari plevra deb nomlanadigan seroz parda bilan o'ralgan. Plevra ikki qismdan hosil bo'ladi: o'pkaning tashqi yuzasini o'rab olgan seroz parda - pleura visceralis deyilsa, ko'krak qafasining ichki yuzasi — pleura parietalis bilan qoplangan bo'ladi. O'pkaning o'rab olgan visseral plevra o'pka darvozasi sohasidagi boylam — lig. pulmonale vositasida diafragma yuzasidagi parietal plevraga davom etadi. Visseral va parietal plevra tunica serosa va tela subserosa qavatlaridan iborat. Parietal plevra bir butun seroz parda bo'lsada, uch qismga bo'linadi:
1) pleura costalis — qovurg'alarni ichki yuzasini qoplagan seroz parda,
2) pleura diaphragmatica diafragmaning ko'krak qafasiga qaragan yuzasini o'rab turgan seroz parda,
3) pleura mediastinalis — to'sh suyagi ichki yuzasidan, umurtqa pog'anasining yon yuzasiga vertikal holatda tortilgan seroz parda. Bu seroz parda oldingi sohada pleura costalis ga, pastda — pleura diaphragmatica ga va o'pka darvozasi sohasida visseral plevraga davom etadi. Visseral va parietal seroz pardalar orasidagi manfiy bosimga ega bo'lgan bo'shliq - cavitas pleuralis deyiladi. Parietal plevra qismlari orasida ham bo'shliqlar bo'lib — recessus pleuralis — plevra cho'ntaklari deyiladi. Har ikkala tarafdagi plevral bo'shliq sohasida, qovurg'a va diafragmani o'rab turgan seroz pardalar orasida — recessus costodiaphragmaticus bo'ladi. Bu cho'ntaklar ko'krak qafasining pastki yon sohasida joylashadi. Faqat chap plevral bo'shliqda, yurak sohasida, pleura costalis va pleura mediastinalis pardalari orasidagi cho'ntak — recessus costomediastinalis deyiladi.
24-savol. Ko'ks oralig'i — mediastinum
Ko'krak qafasining o'rtasida, ikkita