Қарзга асосланган молиялаштириш воситалари Режа: Муробаҳанинг хусусиятлари ва турлари

Вадиа

• Вадиа – бу ишончга асосланган вазифаларни бажаришдир; мулк эгаси ва иккинчи томон ўртасидаги шартнома бўлиб, унга кўра мулк эгаси ўз активларини сақлаш ва ишлатиш учун беришга рози бўлади. Вадиа шартномасига кўра, мулк эгаси ўз мулкини сақловчи ва бутлигини кафолатловчи сифатида иштирок этадиган ишончли шахсни тайинлайди. Ишончли шахс мулк эгасининг ўзи ёки унинг оила аъзолари томонидан тайинланиши мумкин. Ишончли шахс мулкни қайтаришдан бош тортган ва уни сақлашга олгани асосларини рад этган тақдирда, унга ўзгалар мулкини ноқонуний сақлаганлик айби қўйилади ва ўз ҳаракатлари учун тўла жавоб беради. Ишончли шахс ўзига сақлашга берилган мулкни ўз мулки билан аралаштириб юборса, бу ҳолатда ҳам унинг ҳаракатларига ҳуқуқий баҳо берилади.

Исломий банк тизимида вадиа жамғарма депозит ҳисобланади
ва мижозга ўз пулларини банкда сақлаш имконини беради, банк
фақат депозит эгасининг рухсати билан хавф-хатарни ўз зиммасига олган ҳолда ушбу омонатдан фойдаланиши мумкин. Мижоз
ҳар қандай вақтда депозит ҳисобдан ўз пулларини қисман ёки
буткул ечиб олиши мумкин, банк эса ушбу амалиётнинг бажарилишига кафолат беради
Исломий савдони молиялаштиришда банк комиссия (таъриф ёки комиссион маҳсулотлар) тўлашга асосланган бир қатор:
аккредитивларнинг турли шакллари, траст тилхатлари, кафолат хатлари, экспортни кредитлашни қайта молиялаштириш ва
бошқа маҳсулотларга эга. Агентлик келишуви ҳам шулар сирасига киради.