Ҳасан Абулқосимов Мурод Абулқосимов Соҳибжон Топилдиев

Унда инфляцион таргет режимига қуйидаги йўллар билан 
босқичма-босқич ўтиш назарда тутилган:  
- 
умумиқтисодий, 
солиқ-бюджет 
ва 
пул-кредит 
сиѐсатини 
мувофиқлаштириш амалиѐтини такомиллаштириш, иқтисодий ўсиш 
мақсадлари, давлат бюджети баланси ва иқтисодиѐтдаги нарх даражасининг 
барқарорлиги бўйича мақсадлар мувофиқлиги ҳамда ўзаро алоқаларини 
таъминлашга алоҳида эътибор бериш; 
- ликвидликни тақдим этиш ва жалб қилиш операциялари бўйича 
самарали фойдаланадиган фоизли пул-кредит сиѐсати воситаларини 
кенгайтириш; 
- тижорат банклари томонидан фоиз ставкаларини шакллантириш учун 
бозор механизмларини, шу жумладан, кредитлар бўйича кенг қўллаш; 
1
Мирзиѐев Ш.М. Ўзбекистон Республикаси Президентининг Олий Мажлисга мурожаатномаси.// 
Халқ сўзи, 2018йил 23 январь

---

164 
- макроиқтисодий таҳлил ва прогнозларнинг энг яхши хорижий тажриба 
моделларига мувофиқ такомиллаштириш; 
- пул-кредит сиѐсатининг шаффофлиги ва олдиндан тахмин қилиниш 
имкониятини ошириш, жумладан, қўлланиладиган воситалар ва олиб 
бориладиган сиѐсатнинг асосий мақсадлари тўғрисида ахборот бериш 
мақсадида жамоатчилик билан муносабатларни мустаҳкамлаш
1
. 
2018 йил 16 январь куни Ўзбекистон Республикаси Марказий Банки 
2018 йил учун асосий ва устувор вазифаларни эълон қилди. 
Биринчидан, 2018 йилда биринчи навбатда инфляция даражасига 
монетар омилларнинг олдини олишга қаратилган пул-кредит сиѐсатининг 
қатъий курси давом эттирилади. Иқтисодиѐтнинг кредитларга эҳтиѐжи 
ҳисобга олинган ҳолда 2018 йилда пул массаси ўсиши суръатларини 12–14 
фоиз даражада ушлаб туриш назарда тутилган. Шу билан бирга ўрта 
муддатли истиқболда инфляцион таргетлаш режимига босқичма-босқич 
ўтиш учун барча зарур шароитларни шакллантириш бўйича ишлар фаол олиб 
борилади. Шу мақсадда ХВФнинг техник миссиясини жалб этиш асосида 
2018 йилнинг биринчи чорагида «Пул-кредит сиѐсатини ривожлантириш ва 
амалга оширишнинг ўрта муддатли консепцияси»ни ишлаб чиқиш назарда 
тутилган. 
Иккинчидан, юридик ва жисмоний шахслар томонидан хорижий 
валюта олди-сотдиси тартибини янада такомиллаштириш ва соддалаштириш, 
банк операцияларидан фойдаланиш даражасини кенгайтириш бўйича 
чоралар қўлланилади, жумладан: 
а) хорижий валюта олди-сотди операцияларини масофадан туриб 
ўтказиш механизмини жорий этиш (банкларнинг мобил иловалари орқали 
миллий ва хорижий валютадаги тўлов карталари ўртасидаги конверсия); 
б) мамлакат ичида конверсион тўлов карталаридан нақд хорижий 
валюта ечиб олишга рухсат бериш ва тегишли банкоматлар тармоғини 
кўпайтириш. 
Учинчидан, нақд пул муомаласини такомиллаштириш вазифалари 
доирасида муомаладаги банкнотлар тузилмасини оптималлаштириш ишлари 
давом эттирилади. Миллий валютадан фойдаланишда қулайликни ошириш 
мақсадида йирикроқ номиналдаги банкнотларни муомалага чиқариш ҳамда 
майда купюраларни 50,100, 500 сўмлик янги намунадаги тангаларга 
алмаштириш ҳамда 200 сўмлик тангаларни чиқариш масаласи кўриб 
чиқилади. 
1
https://kun.uz/news/2017/09/15/uzbekistonda-inflacion-targetlas-tartibi-zorij-etiladi 

---

165 
Тўртинчидан, замонавий банк хизматларини кўрсатишга шароитлар 
яратиш 
учун 
инновацион 
банк 
технологияларини 
жорий 
этиш 
фаоллаштирилади, 
жумладан, 
«рақамли» 
банклар 
фаолияти 
ташкиллаштирилади, чакана хизматлар кўрсатишга ихтисослашган банк 
бўлинмалари, масофадан туриб банк хизмат кўрсатишни такомиллаштириш, 
тўлов тизимини янада ривожлантириш йўлга қўйилади. 
Бешинчидан, молиявий хизматлар ўрнатилган талабларга мос келиши 
юзасидан текширишлар ўтказиш йўли билан истеъмолчиларнинг 
ҳуқуқларини ва қонуний манфаатларини ҳимоя қилишга, аҳоли ва 
тадбиркорлик субъектларнинг молиявий хизматлардан фойдаланиш, 
уларнинг молиявий саводхонлиги даражасини оширишга алоҳида эътибор 
қаратилади. 
Олтинчидан, Ўзбекистон Республикасининг қуйидаги қонунлари 
лойиҳаси янги таҳрирда ишлаб чиқилади: 
«Ўзбекистон Республикаcи Марказий банки тўғрисида» — миллий 
иқтисодиѐтни кенг миқѐсда ислоҳ қилиш доирасида пул-кредит сиѐсати ва 
банк назоратини такомиллаштириш заруриятини ҳисобга олиб; 
«Банклар ва банк фаолияти тўғрисида» — банклар ва тадбиркорлик 
субъектлари ўртасида тўлақонли шериклик муносабатларини шакллантириш 
учун рақобат шароитларини яратиш ва аҳоли ўртасида банк тизимига 
ишончли шерик сифатида ишонч уйғотиш; 
«Валютавий тартибга солиш тўғрисида» — валюта бозорини 
либераллаштириш бўйича қабул қилинган чоралар таъсири таҳлилидан келиб 
чиқиб, инвестицион иқлим ва бизнес-муҳитни яхшилашга йўналтирилган 
валюта сиѐсатини такомиллаштириш
1
.