Attraksionlarni identifikatsiya qilish va muomalaga chiqarish qoidalari

attraksionning yordamchi moslamalari — attraksionlar bilan birga foydalaniladigan bezaklar va bezash elementlari, to‘siqlar, yoritgichlar, chodirlar, ayvonlar, himoya ekranlari va pavilonlar;
biomexanik ta’sir — yo‘lovchilarning harakatlanishi bilan bog‘liq kuchlarning ularga ta’sir qilishi;
bolalar — bo‘yi 90 sm dan 160 sm gacha (2 yoshdan 14 yoshgacha) bo‘lgan tashrif buyuruvchilar, shu jumladan yo‘lovchilar;
bolalar uchun mo‘ljallangan attraksion — bolalarning (bo‘yi 90 sm dan 160 sm gacha bo‘lgan) vaqtichog‘lik qilishi uchun maxsus loyihalashtirilgan attraksion;
bolalar o‘yin maydonchasi uchun asbob-uskunalar — bolalar o‘z xohishiga ko‘ra va qoidalarga binoan binoda yoki ochiq havoda, alohida yoki guruh bo‘lib o‘ynashi mumkin bo‘lgan asbob-uskunalar;
yillik tekshirish — yillik texnik xizmat ko‘rsatish amalga oshirilgandan so‘ng attraksionning muhim komponentlari va muhim parametrlarini to‘liq tekshirish;
yo‘lovchi — attraksionda harakatlanuvchi shaxs;
yo‘lovchi moduli — attraksionning yo‘lovchilar harakatlanishi uchun mo‘ljallangan bir qismi (arava, kabina, o‘rindiq);
yo‘l qo‘yilmaydigan foydalanish — attraksiondan boshqa maqsadlarda yoki ekspluatatsiya hujjatlari talablarini buzgan holda foydalanish;
kunlik tekshirish — ekspluatant tomonidan attraksionning, uning muhim komponentlari, muhim parametrlari va ekspluatatsiya hujjatlarida ko‘rsatilgan boshqa qismlarining ishlashga yaroqliligi va texnik holatini tekshirish, shu jumladan, sinash uchun ishga tushirish;
loyihachi (ishlab chiqaruvchi) — attraksion loyihasini ishlab chiqqan mutaxassis yoki tashkilot;
mahkamlab qo‘yuvchi moslama — yo‘lovchining harakatlanishini ushlab turish, cheklash va (yoki) attraksionda tezlikni xavfsiz his etishi uchun yo‘lovchi tanasining holatini saqlab turish uchun mo‘ljallangan moslama;
mexanizatsiyalashgan attraksion — insonning mushak energiyasidan tashqari boshqa turdagi energiyadan foydalangan holda, yo‘lovchilarni berilgan trayektoriya bo‘yicha yoki cheklangan makon doirasida harakatlantiruvchi attraksion. Quyidagilar mexanizatsiyalashgan attraksionlarga kiradi:
aylanma harakatlanuvchi attraksion — yo‘lovchi modullarini asosan aylanma harakatlantiruvchi (aylantirish va (yoki) tebratish orqali), shu jumladan, murakkab harakatlanuvchi attraksion;
ilgarilanma harakatlanuvchi attraksion — yo‘lovchi modullarini asosan yo‘naltiruvchi bo‘yicha ilgarilanma harakatlantiruvchi attraksion;
murakkab harakatlanuvchi attraksion — yo‘lovchi modullarini murakkab trayektoriya bo‘yicha yoki yo‘lovchilarga namoyish etiladigan tasvir bilan uyg‘un holda harakatlantiruvchi attraksion;