Автомобиль йўллари

Метод балочного ростверка - тўсинли ростверк усули - ҳисобий схемаси сифатида кесишган тўсин (тўсинли ростверк) тизими қабул қилинган кўприк оралиқ қурилмасининг фазовий ҳисоб услуби.
Метод внецентрального сжатия - марказдан ташқари сиқиш усули - деформациялари кўндаланг кесимдаги барча тўсинларнинг вертикал бир текис кўчишидан ва уларнинг кўприк оралиқ қурилмаси бўйлама ўқига нисбатан битта ўша бурчакка бурилишидан пайдо бўладиган оғирлигидан юзага келадиган қаттиқ тўсиндек қараладиган, кўприк оралиқ қурилмаси фазовий ишини баҳолашнинг тахминий услуби.
Метод ортотропной плиты - ортотроп плиталар усули - оралиқ қурилма тузилмасининг фазовий ҳисоб услуби, бунда унинг ҳисобий тасвири сифатида ўзаро перпендикуляр йўналишдаги турли бикирликдаги тош тахта қабул қилинган.
Метод упругих опор - эгилувчан тиргаклар усули - кўндаланг тўсинлар эгилувчан чўкувчи тиргакларга нисбатан узлуксиз сифатида қараладиган оралиқ қурилманинг бирон-бир тўсинига юкнинг кўндаланг таъсир этиш чизиғини қуриш усули.
Метод перемещений - кўчиш усули - номаълумлар сифатида кўчиш қабул қилинадиган, турғун (статик) ноаниқ тизимда кучланиш ва кўчишни аниқлаш услуби.
Метод пространственного расчета - фазовий ҳисоблаш услуби - иншоот элементларидаги кучланиш ва деформацияни аниқлашда тузилманинг барча қисмларининг ўзаро боғлиқлиги ва бир-бирига таъсирини ҳисобга олиб, яхлит бир бутун фазовий тузилма деб қараладиган кўприкнинг оралиқ қурилмасини ҳисоблаш услуби.
Метод рычага - ричаг услуби - кўприкнинг оралиқ қурилмаси тўсинлари орасида кўндаланг боғлиқлик йўқлиги тахминига асосланган, оралиқ қурилмаларнинг фазовий ишини тахминий ҳисоблаш услуби.
Метод сил - куч услуби - асосий номаълум сифатида куч қабул қилинадиган турғун ноаниқ тизимдаги кучланиш ва кўчишни аниқлаш услуби.
Метод смешанный - аралаш услуб - номаълум сифатида қисман куч, қисман кўчиш қабул қилинадиган, турғун ноаниқ тизимдаги кучланиш ва кўчишни аниқлаш услуби.