Axborot kommunikatsiya texnologiyalari

Titul ekran. Titul ekranda multimediali ilova nomi, yuqori tashkilot haqida, 
mualliflik huquqi haqida, ilovaning ekspert nazoratidan o‘tganligi haqida 
ma'lumot, sana, tashkilot, mualliflar haqida ma'lumotlarni o‘z ichiga oladi. 
Mundarija. Mundarija ilovaning asosiy elementi hisoblanadi. Bir tarafdan 
ilovaning turli qismlariga tez va qulay o‘tish uchun to‘liq bo‘lishi va shu bilan 
birga bitta ekranda jonlanishi kerak. Amaliyot shuni ko‘rsatmoqda-ki, bunday 
talablarga ikki bosqichli (mavzu/mavzu osti) mundarija javob beradi. Bundan 
tashqari mundarija orqali: 

---

91 

o‘z bilimini tekshirish tizimiga; 

cheklangan tekshirish tizimiga; 

matn fragmentini izlash qismiga; 

tayanch iboralarga; 

adabiyotlar ro‘yxatiga; 

ilovaning istalgan qismiga o‘tish imkoniyati; 

ilova ishini tugatish; 

titul ekranga qaytish imkoniyatlari mavjud bo‘lishi kerak. 
Annotatsiya. Annotatsiya ilovaning muqovasida joylashgan bo‘lishi 
mumkin. 
O’quv materialining to’liq matni. Ta`limiy multimediali ilovaning 
muvaffaqiyatli bo‘lishining sharti – unda o‘quv materialining to‘liq bo‘lishidir, 
ya'ni matn, grafik, jadval, illyustratsiya, animatsiya, video va ovoz qismlarini o‘z 
ichiga olishidir. Ilovaning bitta sahifasida matn, va uning ichidagi grafik 
elementlar, sahifaning qisqacha mazmuni va materialni o‘rganish jarayonini 
boshqarish elementlari joylashadi. 
Ta`limiy multimediali ilovada o‘quv materialining to‘liq bo‘lishi, ta'lim 
jarayonida undan foydalanish va qog‘ozdagi o‘quv materialiga murojaatni 
kamayishini ta'minlaydi. Matndagi turli iboralar va ta'riflarga, illyustratsilarga, 
jadvallarga, grafiklarga yo‘llovchi gipermatnlar tufayli multimediali ilovalar 
qog‘oz materiallarga qaraganda o‘quv jarayonida qulay imkoniyatlar yaratadi. Shu 
bilan birga uning ixchamligi va nisbatan arzonligi ta'lim oluvchining e'tiboridan 
xoli bo‘lmaydi.