B. G. Pürliýew, E. G. Rahmanowa, M. B. Meläýewa TÜrkmenistanyň ykdysadyýeti

gönükdirilmelidir:

---

171
• önümçiligiň we hyzmat gurşawynyň innowasiýa tehnologiýa­
laryny kabul edijiligini ýokarlandyrmaga mümkinçilik berýän we 
döwletiň durmuş-ykdysady ösüşiniň netijeliligini üpjün edýän rejeli 
guralyny döretmek.
• gurluş-tehnologik kämilleşdirmäni amala aşyrmak we ýokary 
netijeli innowasiýa giňişligini döretmek.
• içerki we daşarky maliýe çeşmelerini netijeli peýdalanmak mak­
sady bilen milli we halkara innowasiýa prosesleriniň bilelikdäki rejeli 
hereketini guramak.
Ýurdumyzda geljek döwür üçin ylmyň we tehnologiýanyň ileri 
tutulýan ugurlaryny durmuşa geçirmek üçin degişli ylmy we ylmy-
pedagogik güýç, kuwwat bar. 
2014-nji ýylyň 1-nji ýanwaryna çenli ylmy barlaglary we inno­
wasiýa işläp düzmelerini ýerine ýetirýän işgärleriň umumy sany (ýo­
kary okuw mekdepleriniň ylmy-pedagogik işgärlerini goşmak bilen) 
4748 adam bolup durýar, olardan ylymlaryň doktory we kandidaty 
alymlyk derejesi bolanlar 883 adam ýa-da 18,6%. 2014-nji ýylyň 
1-nji ýanwaryna çenli ýokary okuw mekdeplerindäki ylmy-pedagogik 
işgärleriň sany 3102 adam bolup durýar, olardan ylymlaryň doktory 
we kandidaty alymlyk derejesi bolanlar 622 adam ýa-da 20,1% (40, 
252 sah.).
Milli ylmyň mundan beýläkki ösüşi Türkmenistanyň ylmy-tehniki 
döwlet syýasatynyň ileri tutulýan ugurlary arkaly kesgitlenilýär. Ol bol­
sa strategik milli bähbitleri üpjün etmeklige – ilatyň durmuş ýagdaýy­
ny ýokarlandyrmaklyga, ykdysady ösüşiň ýokary depginlerini gazan­
maklyga, maksady Türkmenistanyň innowasiýa ösüş ýoluna geçmegi 
bolup durýan ýurduň durmuş-ykdysady ösüşine gönükdirilendir.
Bu ýagdaýy bazar ykdysadyýetine geçmeklige, ykdysady özbaş­
daklygyň güýçlenmegine, ýurduň Garaşsyzlygynyň pugtalanmagyna 
ýardam eder. Şeýle-de özi öz gezeginde, döwletiň ylmy-tehniki syýa­
satyny işläp düzmeklige we amala aşyrmaklyga täzeçe çemeleşmele­
ri talap eder. Şonuň üçin ýurduň bazar ykdysadyýetine geçip ösýän 
şertlerinde ylmy-tehniki gurşawyň hereket etmeginiň hukuk esasla­
ryny döredýän kadalaşdyryjy namalaryň toplumyny işläp düzmek we 
kabul etmek zerurdyr. 

---

172
Şonuň üçin döwlet dolandyryş edaralary netijeli ylmy tehniki 
gurşawy durmuşa geçirmek boýunça çäreleri işläp düzmelidirler we 
amala aşyrmalydyrlar, degişli döwlet we sebit ylmy-tehniki maksat­
namalaryň çäklerinde, öz ylmy guramalarynda ylmy barlaglary we in­
nowasiýa işläp düzmeleri utgaşdyrmalydyrlar, ýurt üçin tehnikalaryň 
we innowasiýa tehnologiýalarynyň geljegi uly bolan täze görnüşlerini 
özleşdirmäge ýardam etmelidirler.
şeýlelikde, ýurduň milli ylmy-tehniki gurşawynyň ösüş strate­
giýasy döwlet tarapyndan degerli goldaw edilmeginde ylmyň gaza­
nanlaryna we öňdebaryjy tejribä esaslanýan tehnika, tehnologiýalar, 
zähmeti guramak we dolandyrmak ugurlarynda innowasiýa prosesle­
rini sazlaşykly ulanmak, şeýle hem ylmy-tehniki işi netijeli, toplum­
laýyn dolandyrmak ulgamynyň esasynda milli ykdysadyýetiň dürli 
ugurlarynda we gurşawlarynda innowasiýalary peýdalanmak arkaly 
amala aşyrylmalydyr.