B. G. Pürliýew, E. G. Rahmanowa, M. B. Meläýewa TÜrkmenistanyň ykdysadyýeti
Download 1.42 Mb. Pdf ko'rish
|
Pürliýew B Türkmenistanyň ykdysadyýeti-2015`Ylym
§1. Bazar we bazar ykdysadyýeti
Bazar gatnaşyklarynyň ösüşi, hakykatda bazar ykdysadyýetiniň emele gelmegine getirýär. “Bazar” we “bazar ykdysadyýeti” diýen düşünjeler şol bir zady aňlatmaýar. Bazar haryt önümçiligi döräli bäri ol ýa-da başga bir görnüşde bolup gelýär. Bazar ykdysadyýeti baza ryň ösmeginiň ýokary derejesi bolup dursa-da, haryt önümçiligi we bazar elmydama we hökmany suratda bazar ykdysadyýetini emele getirmeýärler. Bazar ykdysadyýeti – haryt öndürijiler (satyjylar) bilen sarp ediji leriň (alyjylar) arasyndaky haryt aluw-satuwy arkaly amala aşyrylýan göni baglanyşyklara esaslanýan hojalyk ulgamydyr. Bazar ykdysady ýetiniň esasy görnüşleri aşakdakylardan ybaratdyr: • önümçilik serişdelerine hususy eýeçiligiň bolmagy; • telekeçiligiň erkinligi; • ykdysady hyzmatdaşlary saýlap almak erkinligi; • ykdysady aragatnaşyklara gatnaşyjylaryň hususy bähbidiniň öňe sürülmegi; • ykdysadyýetiň bazar şertleri arkaly öz-özünden kadalaşdyrmagy; • döwletiň bazara iň az derejede goşulmagy. Bazar ykdysadyýeti işiň önümçilik, ulag, bank, söwda ýaly esasy ugurlaryny özüne birikdirdi. Harytlaryň öndürijiden sarp edijä tarap hereket etmeginde olaryň her birisiniň belli bir hyzmaty bardyr. Şeý lelikde, bazar ulgamy bitewi sazlaşykly mehanizm bolup, onuň ähli bölekleri sarp edijiniň islegleriniň kanagatlandyrylmagyna ugrukdy rylan ahyrky netijäni gazanmak üçin işleýär. Bazar ykdysadyýetiniň baş maksady – erkin jemgyýetiň hojalyk durmuşynyň usulyny emele getirmekden hem-de şonuň esasynda milli hojalygyň işjeň ösüşini we ilatyň ýokary hilli ýaşaýşyny üpjün etmäge ukyply, netijeli işleýän hojalyk ulgamyny döretmekden yba ratdyr. Ilatyň ýaşaýş durmuşynyň ýokarlanmagy jemgyýetiň islegle riniň, onuň maddy we ruhy medeniýetiniň kanunalaýyk ýagdaýda 120 ýokary göterilmegini beýan edýär, munuň özi hem maddy we maddy däl önümçilikleriň ösmeginiň we kämilleşmeginiň netijesi bolup durýar. Şonuň üçin bazar ykdysadyýeti mahalynda ykdysady mejbury lyk öndürijileri önümçiligiň netijeliligini ýokarlandyrmaga itekleýär. Bazar önümçiligi çeýe we işjeň bolýar, oňa çykarylýan jemgyýetçilik zerur harajatlary kesgitleýär we nyrhlary kadalaşdyrýar, ylmyň we innowasion işiň soňky gazananlaryny peýdalanmagy talap edýär. Bazar ykdysadyýeti örän işjeň ulgamdyr, ol diňe bir ykdysady işleri erkinleşdirmek bilen çäklenmän, eýsem, bazar gatnaşyklary bi len gös-göni baglanyşykly bölekleriniň täsiri astynda bolup geçýän üýtgeşmeleri düzgünleşdirmäge mümkinçilik berýän mehanizmi-de döredýär. Download 1.42 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling