Банк ҳисобварағи ва комплекс банк хизматлари кўрсатиш бўйича сонли шартнома термиз ш. «­» 202 й

7. ТОМОНЛАРНИНГ ЖАВОБГАРЛИГИ
7.1. Томонлардан бири шартнома мажбуриятларини бажармаган ёки лозим даражада бажармаган тақдирда, бу томон бошқа томонга етказилган зарарни тўлайда, шунингдек Ўзбекистон Республикаси Фуқаролик кодексида, шунингдек бошқа қонунчилик ҳужжатлари ва ушбу Шартномада назарда тутилган тартибда жавобгар бўлади.
7.2. Банкнинг жавобгарлиги:
7.2.1. Банк Мижознинг ҳисобварағи бўйича операцияларнинг ўз вақтида ва тўғри амалга оширилишига жавобгардир;
7.2.2. Банк Мижознинг банк сирини ташкил қиладиган Мижоз тўғрисидаги маълумотларни асоссиз ва ноқонуний тарзда ошкора қилганлиги учун жавобгар ҳисобланади.
7.2.3. Ўзбекистон Республикаси Марказий банкининг меъёрий ҳужжатларида назарда тутилган барча зарур ҳужжатлар тақдим қилингандан сўнг Банк томонидан ҳисобварақ очишда асоссиз равишда кечиктирилганлик ёки очишдан рад этилганлик учун, шу жумладан ушбу турдаги ҳисобварақни очиш учун ортиқча ҳужжатлар талаб қилинганда, Банк банк устав капиталининг белгиланган энг кам миқдорининг 0,02 фоизи миқдорида жарима тўлайди.
7.2.4. Қонун ҳужжатларида ўрнатилган Мижоз ҳисобварақларига пулларни ҳисобга киритиш ва ҳисобдан чиқариш тартибини бузганлик учун, электрон тўловларни амалга оширишнинг ва хато амалга оширилган электрон тўловларни қайтаришнинг ўрнатилган муддатларини бузишни истисно этган ҳолда, Банк ҳар бир ҳолат учун банк устав капитали энг кам миқдорининг 0,01 фоизи миқдорида жарима тўлайди.
7.2.5. Электрон тўловларни амалга оширишнинг қонун ҳужжатларида белгиланган муддатлари Банк томонидан бузилган тақдирда, у Мижозга кечиктирилган ҳар бир кун учун кечиктирилган электрон тўлов суммасининг 0,1 фоизи миқдорида, лекин кечиктирилган электрон тўлов суммасининг 10 фоизидан кўп бўлмаган миқдорда пеня тўлаши шарт.
7.2.6. Банкнинг айби билан электрон тўлов нотўғри амалга оширилган тақдирда, у маблағни хатолик аниқланган кундан кейинги иш кунидан кечиктирмасдан олувчининг ҳисобварағига ўтказиши шарт. Акс ҳолда, Мижоз Банкдан маблағларни қайтаришни, шунингдек кечиктирилган ҳар бир кун учун нотўғри амалга оширилган электрон тўлов суммасининг 0,1 фоизи миқдорида, лекин нотўғри амалга оширилган электрон тўлов сумманинг 10 фоизидан кўп бўлмаган миқдорда пеня тўлашни қонун ҳужжатларида белгиланган тартибда талаб қилиш ҳуқуқига эга.
7.2.7. Мижоз ҳисобварақларида етарли маблағ бўлганида Банк томонидан иш ҳақи ва қонун ҳужжатларида назарда тутилган бошқа эҳтиёжлар учун ўз вақтида нақд пул бермаганлик учун Банк Мижозга банк устав капитали энг кам миқдорининг 0,005 фоизи миқдорида жарима тўлайди.
7.2.8. Банк Мижоз томонидан учинчи шахсларга МХТга электрон рақамли имзонинг ёпиқ калити ва парол берганлиги натижасида юзага келидаган зарар, электрон пул-ҳисоб-китоблар (тўлов) ҳужжатларининг нотўғри расмийлаштирганлиги учун жавобгар ҳисобланмайди.
7.2.9. Банк Мижознинг кредиторлар (учинчи шахслар) олдидаги шартнома мажбуриятларини бажармаганлиги ёки лозим даражада бажармаганлиги учун кредиторларга тўлаши лозим бўлган неустойка ҳисобланиши ва ундирилиши учун жавобгар ҳисобланмайди.