Barakayev ibrogim davronovich
Davlat sherigi quyidagi majburiyatlarga ega
Download 100.09 Kb. Pdf ko'rish
|
Barakayev Ibrogim yangi bitim
- Bu sahifa navigatsiya:
- Davlat sherigi
|
5.4. Davlat sherigi quyidagi majburiyatlarga ega:
5.4.1. Oilaviy nodavlat maktabgacha ta’lim tashkiloti xabarnoma qabul qilinganligi haqidagi tasdiqnomani olgan kundan boshlab bir oy muddatda Davlat sherigining tegishli tuman (shahar) maktabgacha va maktab ta’limi bo’limi mas’ul xodimlari joyiga chiqqan holda tashkil etilgan yangi oilaviy nodavlat maktabgacha ta’lim tashkiloti faoliyati uchun mo‘ljallangan mebel, jihoz va boshqa anjomlar bilan jihozlanganlik holati bo‘yicha o‘rganishlarni o‘tkazish va oilaviy nodavlat maktabgacha ta’lim tashkiloti faoliyatni amalga oshirish maqsadga muvofiqligi yoki muvofiq emasligi haqidagi xulosalarni elektron shaklda NMTTBATga kiritish. Salbiy xulosa berilganida, aniqlangan kamchiliklar bartaraf etilgunga qadar oilaviy nodavlat maktabgacha ta’lim tashkiloti faoliyatini vaqtincha to‘xtatish; 5.4.2. Mazkur bitimning 5.2.5-bandida tarbiyalanuvchilar bo ʻyicha belgilangan ma’lumotlar NMTTBATga kiritilganidan so‘ng oilaviy nodavlat maktabgacha ta’lim tashkilotiga tarbiyachi va tarbiyachi yordamchisi shtat birliklarini ajratish; 5.4.3. Xususiy sherikka soliq imtiyozlari va qonun hujjatlarida nazarda tutilgan boshqa preferensiyalardan foydalanish bo‘yicha ko‘maklashish; 5.4.4. Xususiy sherikka zarur hollarda maktabgacha ta’lim sohasida uslubiy va konsultativ yordam berish; 5.4.5. Xususiy sherikning moliyaviy-xo‘jalik faoliyatiga aralashmaslik; 5.4.6. Davlat sherigining ayrim huquq va majburiyatlari uning yozma ko‘rsatmasiga asosan hududiy maktabgacha va maktab ta’limi boshqarmasi, tuman (shahar) bo‘limlari tomonidan amalga oshirilishi mumkin. VI. TOMONLARNING JAVOBGARLIGI VA NIZOLARNI HAL QILISH TARTIBI 6.1. Tomonlar ushbu Bitimga ko‘ra zimmalariga olgan majburiyatlarni bajarmaslik yoki lozim darajada bajarmaslik uchun qonun hujjatlariga va mazkur Bitim shartlariga muvofiq javobgar bo‘ladi. 6.2. Xususiy sherik bolalar salomatligi, xavfsizligi, ta’lim-tarbiya sifati, NMTTBATga kiritiladigan ma’lumotlarning ishonchliligi uchun shaxsan javobgardir. Xususiy sherik NMTTBATga noto‘g‘ri yoki to‘liq bo‘lmagan ma’lumotlar kiritilishi natijasida subsidiyalar hisoblanmasligi va to‘lanmasligi yuzasidan javobgardir; 6.3. Oilaviy nodavlat maktabgacha ta’lim tashkiloti tomonidan bir bolaning ma’lumotlari NMTTBATga kiritilib, uning fotosurati o‘rniga boshqa bola (tarbiyalanuvchi)ning fotosurati ushbu axborot tizimiga joylashtirilganligi va uning asosida davomati belgilanib kelinayotganligi aniqlanganda: mazkur tarbiyalanuvchi oilaviy nodavlat maktabgacha ta’lim tashkilotiga qatnagan barcha davri uchun to‘langan subsidiyalar summasi to‘liq Davlat budjetiga undiriladi; ushbu holat aniqlangan oydan boshlab uch oy davomida subsidiya to‘lovlari mazkur oilaviy nodavlat maktabgacha ta’lim tashkilotiga hisoblanmaydi va to‘lanmaydi. Bunday holat ikkinchi marta aniqlanganda ushbu oilaviy nodavlat maktabgacha ta’lim tashkiloti O‘zbekiston Respublikasi Davlat budjetidan subsidiyalar ajratiladigan nodavlat maktabgacha ta’lim tashkilotlarining reestridan chiqariladi va u bilan davlat-xususiy sheriklik to‘g‘risidagi bitim bekor qilinib, qayta tuzilmaydi. 6.4. Ushbu bitimning shartlarini bajarish jarayonida yuzaga keladigan barcha kelishmovchiliklar Tomonlarning o‘zaro muzokaralar o‘tkazishi orqali hal etiladi. 6.5. Tomonlar kelishuvga erishmagan taqdirda vujudga kelgan nizolar qonun hujjatlariga muvofiq Toshkent tumanlararo iqtisodiy sudida hal qilinadi. |
