«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

III. Bayan jazıwg’a tayarlıq.
1. Oqıtıwshı jazıw taxtasınan su’wretlerdi aladı. Gu’rrin’di tu’sinikli oqıydı. Son’ eki-u’sh oqıwshı onı qayta aytıp beredi (Jazıw taxtasındag’ı jazıwlar turadı).
2. Oqıwshılar tekstti ja’ne oqıydı, imlası qıyın so’zler tu’sindiriledi ha’m olardı buwınlarg’a bo’liw talap etiledi. Aldınnan aq qag’azg’a jazılg’an: jasırdı, ju’rgen, terekke, qayttı so’zleri jazıw taxtasına ildirilip qoyıladı.
IV. Bayan jazıw.
Tekst jabıladı. Balalar o’z betinshe jazadı. Oqıwshılar qıynalg’an jerlerinde oqıtıwshıg’a mu’ra’ja’a’t etiwi mu’mkin. Su’wretli rejeden paydalanıp bayan jazıwdı basqa tu’rdegi jumıs penen almastırıw mu’mkin. Bunda oqıtıwshı oqıwshılardın’ so’ylewin o’siriwdegi jumıs ta’rtibine tayanadı.
Ekinshi klass bag’darlamasında oqılg’an kishi ko’lemdegi tekst bo’limlerine oqıtıwshı basshılıg’ında soraw ga’p ta’rtibinde tema qoyıw na’zerde tutıladı. Usı toplamda joqarıdag’ı jumıs tu’ri ushın tekst berilgen. Tekstlerdin’ quramalılıg’ın esapqa alıp, shama menen ayda bir ma’rte usınday jumıs tu’rlerin o’tkeriw usınıs etiledi. «Jaqsılıq» tekstin to’mendegishe u’yreniw mu’mkin.


Erkin ko’shede oynap ju’r edi. Ol qon’sısı Pirimbet atanın’ kiyatırg’anın ko’rdi.
Ata shiyrin so’zli insan edi. Erkin onı hu’rmet etetug’ın edi.
Erkin atanın’ aldına juwırıp bardı. Qolınan tu’yinshikti alıp, onı u’yine shekem shıg’arıp saldı.
Ata Erkinge raxmet ayttı.
Tema qoyıw ushın tekst, a’lbette, oqıwshılardın’ ko’z aldında bolıwı sha’rt. Bunın’ ushın oqıtıwshı tekstti reje qatarlarına sa’ykes keletug’ın bo’limlerge anıq belgilep, son’ jazıw taxtasına jazadı (Tekstti «Ana tili» yamasa «Oqıw kitabı» sabaqılıg’ınan alıw da mu’mkin).
Sabaqtın’ barısı:
I. Tekstti o’zlestiriwge tayarlıq ko’riw.
Oqıtıwshı jaqsılıq haqqında balalarg’a qısqasha aytıp beredi.
II. Tekstti oqıw ha’m onı analiz qılıw.
Oqıwshılar tekstti tolıq oqıydı ha’m onı sorawlar arqalı analiz qıladı.
Sorawlar:
Erkin ko’shede kimdi ko’rdi?
Erkin ne ushın atanı hu’rmet qılatug’ın edi?
Erkin ne qıldı?
Ne ushın ata Erkinge raxmet ayttı?