«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

I. Tekstti oqıw ha’m analiz qılıw.
Sorawlar:
- Joldastın’ anası ba’ha’r kelgenin qay jerden bildi?
- Bul sawg’anı 8-Mart ku’nine kim tayarladı?
- Nege shiyshe ıdıstag’ı na’l sır saqılandı?
- Bul japıraqılar ja’ne kimge quwanısh keltirdi?
- Nege Joldas quwandı?
II. Jumıstın’ maqsetin anıqlaw.
Oqıtıwshı: «Gu’rrin’de neshe adam qatnasqan? (Joldas, anası ha’m adam). Biz ha’zir u’shewi haqqında jazbaymız. Men sizlerge na’ldi ko’gertiw ushın Joldas ne qılg’anı haqqında sorawlar beremen. Siz juwap beresiz. Berilgen juwaplardı o’z waqtında jazıp barasız. Son’ payda bolg’an gu’rrin’di oqıysız. Biraq soraw-juwaptan aldın, berilgen tayar tekstti oqıymız, esitin’», dep gu’rrin’di oqıydı.
III. Sorawlarg’a juwap jazıw.
Oqıtıwshı birinshi sorawdı tu’sinikli oqıydı: Joldas u’yge ne alıp keldi? (Bir qansha juwaplar esitiledi ha’m olardan biri tan’lap jazdırıladı. Ekinshi, u’shinshi sorawlar da usı usılda dawam ettiriledi).
Oqıtıwshı sorawlarg’a juwap jazdırıwda oqıwshılardın’ ta’jiriybesine qarap, jazıwdın’ u’sh formasınan birin tan’laydı, bular: jazıw taxtasındag’ı u’lgiden paydalanıw (ko’shirip jazıw ushın); aytıp turıp jazdırıw; esinde qalg’anın jazıw.
Jazıwdın’ aqırg’ı eki forması imlası qıyın bolg’an ayırım so’zlerge tu’sinik beriwdi talap etedi: terek, 8-Mart, ba’ha’r so’zlerinin’ aytılıwı menen jazılıwındag’ı parıqtı esletiw. 8-Mart so’zindegi birinshi ha’riptin’ ne ushın bas ha’rip penen jazılıwın tu’sindiriw.
Oqıtıwshı oqıg’an gu’rrin’ 69 so’zden ibarat edi. Oqıwshılar ta’repinen sorawlarg’a berilgen juwap shama menen to’mendegishe bolıwı mu’mkin: «Joldas u’yine na’ller alıp keldi. Olardı xrustal ıdıstag’ı suwg’a salıp ta’rbiyaladı. 8-Mart keldi. Joldas ko’gergen na’llerdi anasına sawg’a qıldı. Anası ba’ha’r sawg’asınan quwandı» (24 so’z)
Sorawlarg’a juwap beriwde basqasha ko’rinisten paydalanılsa, gu’rrin’ 21 so’zden ibarat bolıwı mu’mkin eken. Ma’selen, Joldas u’yine na’ller alıp keldi. Olardı xrustal ıdıstag’ı suwg’a salıp ta’rbiyaladı. 8-Mart ku’ni sır ashıldı. Na’llerde ko’k-ko’mbek japıraqılar ko’rindi. Usınday jazılg’an gu’rrin’ teksti 21 so’zden ibarat boladı.