TEKST BO’LEKLERININ’ TOLIQ MAZMUNIN O’Z ISHINE ALMAG’AN HALDA SORAWLARG’A JUWAP JAZIW USHIN TEKSTLER
Bul shınıg’ıwlar ushın tan’lang’an tekstlerdin’ ko’lemi aldın’g’ı bayan tekstlerine qarag’anda ken’irek boladı. Sorawlar bolsa usınday jazılıwı kerek, olarg’a berilgen juwap oqıwshılardın’ imkaniyatlarına sa’ykes bolsın.
Bunday shınıg’ıwlar oqıwshılardın’ barlıq tekstti analiz qılıwdag’ı tu’siniklerin o’siredi. Birgelikte du’zilgen juwaplar oqıwshılardın’ pikirlew qa’biletlerin ta’rtipke saladı ha’m ga’p du’ziw ko’nlikpelerin bekkemleydi. Sebebi olar, ko’binese, sorawlarg’a tolıq ga’p penen juwap beredi. Usı sorawlarg’a juwap jazıw oqıtıwshı ja’rdeminde a’melge asırıladı. Sonda juwaplardın’ mazmunı rejede berilgen sorawlarg’a sa’ykes boladı.
Bag’
Mine u’lken bag’. Bag’da alma, almurt, a’nar, qa’reli bar.
Ha’wlide bolsa bir tu’p ju’zim bar. Onı Karim ata ekken. Ju’zimge Karim ata qaraydı. Onın’ asılg’an na’llerin biriktiredi, artıqshasın kesedi.
Salim baw tayarlaydı. Bag’mang’a ja’rdem berdi. Karim ata Salimdan minnetdar boldı. (40 so’z)
Analiz: Gu’rrin’ ne dep atalg’an? Ha’wlidegi ju’zimge kim qaraydı? Gu’rrin’de ne haqqında ga’p baradı?
Sorawlar:
1. Ha’wlide ne bar? (1 ga’p)
2. Ju’zimge kim qaraydı? Onı ne qıladı? (2 ga’p)
3. Salim ne qıldı? (1 ga’p)
4. Kim Salimdan minnetdar boldı? (1 ta ga’p)
Sorawlardı dodalawda bir so’zdi ta’kirarlap isletpew kerekligi esletiledi.
Haywanat bag’ında
Gu’z ku’nleri edi. Haywanat bag’ında qızıq waqıya ju’z berdi.
A’lle qay jerden bir qarlıg’ash ushıp keldi. Ol totının’ qa’pesi janında tınıshsızlanıp shıqıldadı. Haywanat bag’ındag’ı xızmetkerler waqıyadan xabardar boldı.
Buwma jılan ininen shıg’ıp ketken eken. Ol totının’ qa’pesine qaray jıljıp keler edi.
Xızmetkerler jılandı da’rriw tuttı ha’m qa’peske saldı.
Usılayınsha, totı qa’wipten qutıldı. (52 so’z, 40-45 so’z bolıwı da mu’mkin)
Do'stlaringiz bilan baham: |
