BERILGEN REJE TIYKARINDA BAYAN JAZIW USHIN TEKSTLER
U’shinshi klassta berilgen reje tiykarında bayan jazıw oqıwshılardın’ tekstti aytıp beriwde mazmunnın’ izbe-iz baylanısı haqqındag’ı ta’jiriybelerin bekkemleydi ha’m olarg’a ga’p u’stinde islew imkanın beredi. Qayta bayan qılıwda oqıwshılar dıqqatı gu’rrin’nin’ bir (qıyın esaplang’an) yamasa eki-u’sh bo’limin analiz qılıw: tımsallı su’wretlew ha’m so’z birikpesine qaratıladı.
TEKSTTI TOLIQ BAYAN QILIW USHIN TEKSTLER
Fermada
Zuxranın’ anası fermada su’t sawıwshı bolıp isleydi. Ol anasına erip, fermag’a barıp turadı.
Zuxra en’ juwas ala sıyırdı tan’ladı. Og’an suw, jem berip turdı.
Ala sıyır Zuxrag’a ju’da’ u’yrenip qaldı. Zuxra aldına kelgende onın’ qolların jalaydı.
Sıyırdın’ ha’reketleri qızg’a «raxmet» degendey seziledi. (42 so’z)
Imla: Zuxra, sawıwshı, jem, juwas, seziledi so’zlerinin’ imlası u’stinde islenedi. Adamlardın’ atı bas ha’rip penen jazılıwı esletiledi.
Analiz: Ala sıyırdı tan’lag’an qızdın’ atı kim? Kim fermada su’t sawıwshı bolıp isleydi? Ala sıyır haqqında ne bildin’iz? «Zuxra ala sıyırdın’ aldına kelgende onın’ qolların jalaytug’ın boldı» ga’pinin’ qanday ma’ni an’latıwı soraladı.
Reje:
1. Zuxra fermag’a qanday qılıp barıp turadı?
2. Zuxra fermada ne jumıs qıladı?
3. Ala sıyır qashan Zuxranın’ qolların jalaytug’ın boldı?
4. Sıyırdın’ ha’reketi qızg’a qalay seziler edi?
(«Raxmet» so’zin klass jazıw taxtasına jazıp qoyıw mu’mkin)
Danıshpan
A’yyem zamanda bir g’arrı bar edi. Onın’ ulları ko’p edi. Bir ku’ni g’arrı ulların aldına shaqırdı. U’lken uldın’ qolına bir na’l berdi. Onı sındırıwdı buyırdı. Ulı na’ldi eki bo’lek qıldı. Danıshpan bir neshe na’ldi birge bayladı. U’lken ulına olardı da sındırıwdı buyırdı. Ulı na’llerdi sındırıw ushın ko’p urındı. Biraq sındıra almadı. Sonda g’arrı ullarına olar tatıw bolsa, olardı hesh qanday ku’sh jen’e almaslıg’ın ayttı. (64 so’z)
Ertekti oqıg’ansız ba? Ertekte ne haqqında ga’p boladı? sıyaqlı sorawlar menen sa’wbet o’tkeriledi.
Do'stlaringiz bilan baham: |
