«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

Imla: sherikleri, sho’p paqalı, minnetdarshılıq so’zlerinin’ imlası u’stinde islenedi.
Analiz: Tırısqaqbay nege suwg’a sho’gip ketti? Ne ushın Tırısqaqbay sho’pke asıldı? Balıqshalar qanday ja’rdem berdi?
Bul gu’rrin’ aldın’g’ı ana tili sabag’ında oqıwshılarg’a shınıg’ıw sıpatında jazdırılg’an bolıwı da mu’mkin. Kelesi bayan sabag’ında oqıwshılar o’z betinshe reje du’ziwde usı tekst jazılg’an da’pterden paydalanadı. Oqıtıwshı sabaqta bayan tekstin tolıq oqıydı. Oqıwshılar bolsa da’pterdegi tekstten paydalanıp, gu’rrin’nin’ bo’limlerine tema tan’laydı ha’m de dodalaydı. Son’ bayan ushın reje du’ziledi.
Shamalıq reje ha’m tayanısh so’zler:

1. Tırısqaqbay suwg’a tu’sip ketti.	da’n, salma
2. Tırısqaqbay sho’ge basladı.	sho’p paqalı, asılıp
3. G’umay sho’p.	balıqshalar, jag’ag’a
4. Minnetdarshılıq	g’umay japırag’ı, jag’ag’a

Na’l du’zeldi
Ta’nepis waqtı edi. Karimjan o’z klasslaslarınan u’sh-to’rtewin jıynadı. Olardı mektep bag’ına alıp bardı.
Salma boyında sınıp jatqan na’ldi balalarg’a ko’rsetti. Olarg’a na’ldi dawalaw jolın tu’sindirdi.
Kamal bir neshe na’l keltirdi. Du’rdana jip alıp keldi. Karimjan sıng’an na’ldi durısladı. Onın’ to’rt ta’repine sho’p qoydı. Jip penen bayladı. Na’l tik boldı.
Balalar na’lden xabar alıp turdı. Na’l du’zeldi. (57 so’z)


Imla: ta’nepis, na’l, xabar so’zleri u’stinde islenedi.
Analiz: Karimjannın’ klasslasların jıynawdan maqseti ne? Na’l qalayınsha du’zeldi?
«Na’l du’zeldi» ga’pin qanday tu’sindin’iz?
«Na’l» so’zi ornında qanday so’z isletiw mu’mkin? Gu’rrin’nin’ qaysı bo’liminde na’ldin’ sıng’anı aytılg’an? Aytıp berin’ ha’m og’an tema qoyın’. Gu’rrin’nin’ u’shinshi bo’limine qanday su’wret islew mu’mkin?
Usı bo’lim teksti klass jazıw taxtasınan oqıladı ha’m og’an sa’ykes tema tan’lanadı. Karimjandı qanday oqıwshı dewimiz mu’mkin ha’m usı so’z menen to’rtinshi bo’limge tema qoyıladı. Teksttin’ aqırg’ı bo’limine qanday tema qoyıw mu’mkin?
Reje du’ziw:
1. Karimjan klasslasları menen ne qıldı?
2. Karimjan balalarg’a neni ko’rsetti?
3. Du’rdana ha’m Kamal ne isledi?
4. Na’l qalayınsha du’zeldi?