Analiz: Samat ne ushın sayg’a burıldı? Balalar ne qıldı? Ne ushın kishkene bala jılap atırg’an edi?
Reje du’ziw ushın sorawlar:
1. Kishkene bala sayda ne qılıp atırg’an edi?
2. Ne ushın Samat balag’a ashındı?
3. Samat sayda nelerdi ko’rdi?
4. Bala qay ta’rizde xoshlastı?
Ju’zik waqıyası
Abu Ali ibn Sina bo’bek edi. Anası onı shomıldırıp atırıp ju’zigin jog’altıp qoyıptı. Ju’zikti ka’nizek alg’an dep, onı urıptı. Ka’nizekti urıp atırg’anda bo’bek jılar eken. Urıwdan toqtasa, bo’bek te jılawdan toqtar eken. Ha’mme bug’an hayran qalıptı. Jıllar o’tipti. Ibn Sina tilge kiripti, birinshi bolıp ju’zik waqıyasın aytıptı. Sonda anası ibn Sinanı shomıldırıp atırg’anda ju’zik tabaqqa ha’m tabaqtag’ı suw menen kir urasına tu’sip ketken eken.
Sonnan keyin uranı qazıp ju’zikti tabıptı. Ha’mme ibn Sinanın’ zeynine qayıl qalıptı. (76 so’z. 55-60 so’z bolıwı ham mu’mkin)
Imla: Adam atlarının’ bas ha’rip penen jazılıwı esletiledi.
Analiz: Bo’bekti shomıldırıw waqtında qanday waqıya ju’z berdi? Jıllar o’tip ne belgili boldı? Ha’mme nege qayıl qaldı?
Reje du’ziw ushın sorawlar?
1. Nege ha’mme hayran qaldı?
2. Ne ushın ka’nizekti urdı?
3. Ibn Sina neni aytıptı?
4. Ju’zik qalayınsha urag’a tu’sipti?
5. Nege ha’mme qayıl qalıptı?
Tekseriw ushın so’zler: Abu Ali ibn Sina, ha’mme, ju’zik waqıyasın, qazıp, zeynine.
OQITIWSHI BASSHILIG’INDA GU’RRIN’DI BO’LIMLERGE BO’LIW HA’M OLARG’A TEMA QOYIWG’A TIYISLI TEKSTLER
Tırısqaqbay
Tırısqaqbay degen qumırısqa bar eken. Ol sherikleri menen salma boyında da’n terip ju’rgen eken. Birden suwg’a tu’sip ketipti.
Tırısqaqbay sho’ge baslaptı. Sonda aldınan uzın sho’p paqalı shıg’ıp qalıptı. Tırısqaqbay og’an asılıp alıptı.
Balıqshalar sho’p paqalın ko’rip qalıptı. Olar sho’p paqalın jag’ag’a iytere baslaptı. Onı bir g’umay sho’pke ilindiripti.
Tırısqaqbay g’umay japırag’ına asılıp, jag’ag’a shıg’ıp alıptı. Balıqshalarg’a minnetdarshılıq bildiripti. (58 so’z)
Do'stlaringiz bilan baham: |
