Reje u’lgisi:
1. Pahlavan Mahmud qashan, qay jerde tuwıldı?
2. Ol nelerdi u’yrendi?
3. Pahlavan Shıg’ıs ma’mleketlerinde ne qıldı?
4. Qay jer zıyarat ornına aylandı?
Yamasa
1. Pahlavan Mahmud du’nyag’a keldi.
2. Ol bahadır bolıp tanıldı.
3. Postındozlıq penen shug’ıllandı.
4. Muqaddes zıyarat ornına.
Oqıwshılardın’ du’zgen rejeleri ja’ma’a’t tu’rde dodalanadı. Oqıwshılardan biri gu’rrin’di to’rt bo’limge bo’lgenin aytadı.
Sa’wbet waqtında ol o’zi bo’lgen bo’limlerin tekstten oqıp beredi: «Pahlavan Mahmud 1247-jılı Xiywa jaqınında postındoz shan’arag’ında du’nyag’a keldi».
Oqıtıwshı ha’m oqıwshılar gu’rrin’nin’ bunday bolıwın maqul ko’redi.
Oqıtıwshı rejedegi durıslanıwı kerek bolg’an qatarlardın’ astına sızıp qoyadı. Birgelikte analiz etilgennen son’ oqıwshılar olardı durıslaydı.
Oqıtıwshı oqıwshının’ da’pterine to’mendegishe bir-eki ko’rsetpe jazıwı mu’mkin. Ma’selen: «Rejenin’ u’shinshi bo’limin tolıg’ıraq bayanlaw kerek», «Sende bul waqıyanın’ aqırı joq», «Bul jerde kim haqqında aytıp atırg’anın’ tu’siniksiz», «Usı u’zindini u’sh ga’p penen jaz» ha’m tag’ı basqa.
Oqıtıwshı ta’repinen da’pterde jazılg’an tapsırmalar oqıwshı orınlawı ushın tu’sinikli bolıwı kerek.
Oqıwshı sabaqta orınlamaqshı bolg’an tapsırmanı oqıtıwshı menen ma’sla’ha’tlesip jazadı. Oqıwshı ga’p du’ziwde jol qoyg’an kemshiliklerin de o’z betinshe durıslaydı. Eger qa’teler bir qatar oqıwshılarda uqsas bolsa, ol jag’dayda o’z aldına shınıg’ıwlar o’tkeriw lazım. Ma’selen:
1. Jazıw taxtasında berilgen so’zlerden ga’p du’zin’.
2. Soraw ornına tu’sirip qaldırılg’an so’zdi jazın’.
3. Jazıw taxtasında berilgen sızılmanı tolıqtırın’.
Oqıwshıda ju’da’ ko’p mug’dardag’ı metodikalıq qa’telerdi o’z betinshe durıslaw usınıs etilmeydi.
Oqıwshılardın’ jazba so’ylewlerindegi kemshiliklerin esapqa alıw protsessinde oqıtıwshı til sabaqlarında u’yreniletug’ın bag’darlama materialların da u’yreniwge erisedi.
Do'stlaringiz bilan baham: |
