«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

Imla: p-b, p-f dawıssızları, i-u u’nlilerinin’ jazılıwı ha’m jup so’zlerdin’ jazılıwı esletiledi.
Analiz: Qalayınsha kepter qarlıg’ashqa ushırap qaldı? Ne ushın kepter qarlıg’ashdikinde jasay basladı? Kepter qarlıg’ashqa qanday ja’rdem berdi? Siz ertekten qanday juwmaqqa keldin’iz?
Tapsırma: Ne ushın kepterdin’ qarlıg’ash u’yinde jasag’anın aytın’ ha’m jazın’.
Bayandı qayta tan’lap aytıp beriwden son’ jazın’.
Reje:
1. Tınıshlıg’ın jog’altqan kepter qala u’stinde ushıp ju’ripti.
2. Qarlıg’ash kepterdi ko’rip qalıptı.
3. Kepter qarlıg’ashtın’ u’yinde jasay basladı.
4. Sizin’ ertek haqqındag’ı pikirin’iz.
Tayanısh so’zler: baxtsızlik, jog’altqan, mira’t, jaralanıp, da’rhal ,tayarlaptı.


Ana ayıw
Tog’ayda ana ayıw balası penen jasar edi.
Ku’nlerdin’ birinde ayıwsha bir ayag’ın basa almay qaldı. Ana ayıw balasın tog’aydag’ı ag’ash u’y aldına alıp bardı. O’zi ko’zden g’ayıp boldı.
Bajban aynadan ayıw ha’m onın’ balasın ko’rip turg’an edi. Ol sırtqa shıqtı ha’m ayıwshanın’ janına bardı. Qarasa, onın’ bir ayag’ıga tiken kirip, isip ketipti.
Bajban biytaptı u’yge alıp kirdi. Son’ o’tkir pıshag’ın otta qızdırdı. Pıshaq suwıg’annan son’, ayıwshanın’ jarasın kesti. Tikendi alıp tasladı. Jarag’a da’ri qoyıp, oramal menen bayladı. Keyin ayıwshanı soqpaqqa qoyıp jiberdi.
Bajban u’yge qaytıp kirdi. Aynadan ayıwshanı baqlap turdı. Usı waqıt ana ayıw payda boldı ha’m balasın alıp tog’ayg’a ketti. (101 so’z)


Imla: b-p ha’m d-t dawıssızlarının’ jazılıwındag’ı parqı, jup so’zlerdin’ arasına sızıqsha qoyıp jazıw ha’m buwıng’a bo’lip jazıw qag’ıydası esletiledi.
Analiz: Ne ushın ana ayıw balasın u’y janına alıp keldi? Bajban aynadan neni ko’rdi ha’m ne qıldı? Bajban biytaptı qalay dawaladı?
Tapsırma: Bajban neni ko’rgeni ha’m ayıwshanı qalay emlegenin aytın’ ha’m de jazın’. Bayandı qayta aytıp beriwden son’ jazın’. Bayan 60-70 so’zden ibarat bolıwı da mu’mkin.
Reje:
1. Bajban ayıwshanın’ janına keldi.
2. Biytap u’yde.
3. Biytaptı dawaladı.
4. Ayıwsha du’zeldi.
Teksttegi biytap (ayıwsha), u’y so’zleri ornında ja’ne qanday so’z isletiliwi mu’mkinligi sorap anıqlanadı.