«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

O’ZGERTILGEN REJE TIYKARINDA BAYAN JAZIW USHIN TEKSTLER


Aqıl nede boladı?
Tog’ayda kishkene qoyansha jasar edi. Ol boyı o’siwin a’rman qılatug’ın edi.
Qoyan ko’p-ko’p kapusta, geshir jeytug’ın edi. Azang’ı shınıg’ıwlardı isleytug’ın edi. Biraq boyı hesh o’spedi.
Ku’nler o’tipti. Qoyansha ne qılıwdı bilmey otırg’anında, tosattan gu’rpildegen dawıs esitilipti. Qoyan qarasa, ayıw terektegi almanı almaqshı bolıp sekirip atırg’an eken. Qoyan ayıwg’a aqıl u’yretipti.
Ayıw razı bolıp iyilipti. Qoyan onın’ u’stine shıg’ıp shaqadag’ı almanı alıptı. Sonda olar aqıl boyda emes, doslıqta ekenin bilip alıptı. (71 so’z)


Imla: a’rman, kapusta, geshir, aqıl so’zlerinin’ imlası u’stinde islenedi.
Analiz: Qoyansha neni a’rman qılatug’ın edi? Ekinshi bo’limde ne haqqında ga’p bolg’an? Qoyan ayıwg’a qanday aqıl u’yretipti?
Reje:

1. Boyı o’spepti.	kapusta, geshir
2. Qoyanshanın’ a’rmanı.	boyı o’siwin
3. Ku’nler o’tipti.	gu’rpildegen dawıs
4. Ayıw iyilipti.	u’stine, almanı
5. Aqıl doslıqta.	boyda emes

Gu’rrin’di aytıp beriw ha’m jazıwda «Tog’ayda kishkene qoyansha…» ga’pi menen baslaw mu’mkin.


Awda
Sentyabr ayı edi. Jolshıbay ag’a awg’a shıqtı. Ol tog’aydın’ terekli jerinde jasırınıp jattı. Bir waqıtta Jolshıbay ag’anın’ u’stine bir na’rse tu’sti. Ol qaplan edi.
Iyt juwırıp barıp, o’zin qaplang’a tasladı. Sonda qaplan Jolshıbay ag’anı qoyıp, iytke jabıstı.
Jolshıbay ag’a qaplang’a eki ma’rte oq attı. Oq tiymedi.
Qaplan iyt penen uzaq alıstı ha’m haldan taydı. Jolshıbay ag’a qaplang’a oq attı. Qaplan o’ldi.
Jolshıbay ag’a qaplandı su’yrep iyti menen awdan qayttı. (69 so’z)