Imla: terekli, juwırıp, haldan, qayttı so’zleri u’stinde islenedi.
Analiz: Tog’ayda qanday waqıya ju’z berdi? Ne ushın qaplan Jolshıbay ag’anı qoyıp jiberdi? Qaplannın’ iyt penen alısıwı nege alıp keldi?
Reje:
1. Ol qaplan edi.
2. Sentyabr ayı edi.
3. Iyt qaplang’a taslandı.
4. Awdan qaytıw.
5. Qaplan o’ldi.
Su’melektin’ payda bolıwı
Bir diyqan ba’ha’r keliwi menen tuqımlıq da’ndi suwg’a jibitip qoyıptı. Birden hawa buzılıp, jawın jawa baslaptı. Hawa ha’ degende ashılıp ketpepti.
Diyqannın’ balaları ash otırg’an eken. Ol o’ngen da’ndi maydalaptı. Kempirine maydalang’an da’nnen bir na’rse pisiriwdi buyırıptı.
Kempir maydalang’an da’ndi qazang’a salıp ko’p qaynatıptı. Aqırı sharshaptı. Qazannın’ qaqpag’ın jawıp, uyıqlap qalıptı.
Azanda qaqpaqtı ashsa, a’jayıp iyis tamag’ına urılıptı. Tatıp ko’rse, ju’da’ mazalı eken.
Kelesi jıl ba’ha’rde diyqan ja’ne sol tag’amnan pisiripti. Usı ta’rizde su’melek pisiriw da’stu’ri payda bolıptı. (78 so’z)
Imla: tuqımlıq, jawın, qaqpag’ın, qaqpaqtı, tamag’ına so’zlerinin’ imlası u’stinde islenedi.
Analiz: Gu’rrin’nen su’melek haqqında ne bildin’iz? Bul waqıya qashan bolg’an edi?
Reje:
1. Kempir uyıqlap qalıptı.
2. Azanda.
3. Kelesi jıl ba’ha’rde.
4. Balalar ash eken.
5. Ba’ha’rde.
MAZMUNI TOLIQ U’YRENILGEN TEKST TIYKARINDA SORAWLARG’A JUWAP JAZIWG’A TIYISLI TEKSTLER
Hiyle
Anası Atabekke pul berip, nang’a jiberdi.
Atabek puldı alıp ko’shege shıqtı. Maydanshada top oynap atırg’an balalarg’a ko’zi tu’sti. Olardı hayran qaldırg’ısı keldi. Qolındagi puldı ayag’ı astına tasladı. Son’ balalarg’a pul tawıp aldım dep hiyle isletti.
Balalar juwırıp keldi. Salim degen bala pulg’a shan’ saldı. Ol puldı tu’sirip qoyg’anlıg’ın ayttı da, u’yine ketip qaldı.
Atabek albırap u’yine qayttı. Anasına bolg’an waqıyanı jılap ayttı.
Anası:
- O’tirik aytatug’ınnın’ awhalı usınday boladı, - dedi. (68 so’z, 45-50 so’z bolıwı da mu’mkin)
Do'stlaringiz bilan baham: |
