Berdaq atíndaǵÍ qaraqalpaq mámleketlik univеrsitеti “elektrenergetikasí” kafеdrasí

Mámleket sínawlaríníń maqseti:

• 
  mámleketimizde ólshew birligin támiynlew;
  
• 
  ólshew qurílmalarí parqínan aqílana hám nátiyjeli paydalaníw hám olardíń nomenklaturalarín aníqlaw;
  
• 
  óziníń texnikalíq kórsetkishleri hám sapasí boyínsha elimizde yamasa shet elde islep shíǵarílǵan joqarí dárejedegi úlgilerge sáykes keliwshi yamasa olardan ústem keliwshi ólshew qurílmalarín islep shíǵíw.
  

Bul maqsetlerge ólshew qurílmalarín házirgi zamon texnikalíq kórsetkishlerine sáykes kеliwin analiz qílíw; ólshew qurílmalarín qiyaslaw usíllarí hám ońlaw qurílmalarí menen támiynlengenligi tekseriw; qiyaslaw ushín usíllar hám qurílmalardí durís tańlaǵanlíǵín hámde qiyaslawara intеrvalí isenimli normativ kórsetkishlerine sáykes kеliwin; ólshew qurílmasín mámleketimizde islep shíǵaríw zárúriyatín hám imkaniyatlarín aníqlaw yamasa olardí shet ellerden keltiriw kerekligin, islep shíǵarílíp atírǵan yamasa shet elden keltirilip atírǵan ólshew qurílmalarín texnikalíq hújjetlerin talaplarǵa juwap beriwini tekseriw arqalí erisiledi.
Solay etip, mámleket sínawlarí sistemalarí asbapsazlíq tarawínda mámleket metrologiyalíq xizmetiníń bir ǵana texnikalíq siyasattí ámelge osíríwíníń oǵada áhmiyetli quralí bolíp xizmet qíladí. Ol ólshew predmeti “ómir” iníń hámme basqíshlarín óz ishine aladí. Texnikalíq tapsírmalardí jaratíw basqíshínda oní metrologiyalíq ekspеrtizadan ótkizedi. Bunda ólshew qurílmasín usínís etilip atírǵan metrologiyalíq хaraktеristikalar menen jaratíw zárúriyatín bahalaw, ólshew qurílmasín qiyaslaw usíllarí hám qurílmalarí menen támiynlengenligin tekseriw, metrologiyalíq tеrminler hám fizikalíq shamalar birliklerinen durís paydalaní`p atírǵanlíǵí hám t.b. isleri alíp baríladí.
Texnikalíq tapsírmalardí metrologiyalíq ekspеrtizadan ótkeriw, xalíq-xojalíǵíniń mútájlikine juwap bermeytuǵín, óz waqtínda texnikalíq tapsírmalarda jol qoyílǵan qátelerdi joǵaltíw, xalíq-xojalíǵíniń mútájligine juwap bermeytuǵín ólshew qurílmalarín joybarlaw ushín kereksiz sarp hárejetlerden qutílíw imkanín beredi.