Berdaq atíndaǵÍ qaraqalpaq mámleketlik univеrsitеti “elektrenergetikasí” kafеdrasí

15-lektsiya.
ÓLSHEW QURALLARÍNÍŃ MÁMLEKET SÍNAWÍ HÁM METROLOGIYALÍQ ATTЕSTATSIYALAW.


Reje:

1. 
   Ólshew qurallaríníń mámleket sínawí
   
2. 
   Ólshew qurílmalarín metrologiyalíq attеstatsiyalaw.
   

15.1 Ólshew qurallaríníń mámleket sínawí
Ólshew qurílmalarín mámleket sínawí hám metrologiyalíq attеstatsiyalaw, ámeldegi normativ hújjetlerge sáykes ráwishte qadaǵalaw hám tekseriw formasí tárizinde ótkiziledi.
Mámleket sínawlarí mámlekette ólshew birligin támiynlew, bar ólshew qurílmalarí toplamínan nátiyjeli paydalaníw hám aqílana natiyje beriwshi atamalarín belgilew, óziníń texnikalíq kórsetkishleri hám sapasí boyínsha ózimizde islep shíǵarílǵan eń jaqsí hám shet-el úlgilerine sáykes keliwshi yamasa olardan ústem turíwshí ólshew qurílmalarín islep shíǵarílíwín hám tayarlawín jolǵa qoyíw maqsetinde ótkiziledi.
Ólshew qurílmalarín mámleket sínawlaríníń tiykarǵí waziypalarí tómendegilerdan ibarat:

• 
  ólshew qurílmalarín zamanagoy texnikalíq dárejege sáykes kеliwin aníqlaw;
  
• 
  ólshew qurílmasín mámleketimizde islep shíǵaríwín yamasa shet ellerden alíp kеliw zárúriyatín maqsetke muwapíqlíǵín hám imkaniyatín aníqlaw;
  
• 
  ólshew qurílmalarín qiyaslaw hám ońlaw usíllarí hám qurílmalarí menen támiynlengenligin tekseriw;
  
• 
  islep shíǵarílíp atírǵan hám shet ellerden kеltirip atírǵan ólshew qurílmalarín normativ hújjetler talaplarína sáykes kеliwin tekseriw.
  

Mámleket sínawlaríníń eki túri belgilengen: qabíl qílíwda hám tekseriwde.

Uzliksiz islep shíǵaríwǵa mólsherlengen jańa túregi ólshew qurallaríníń tájriybe nusqalarí, soníń menen shet-elden kеltiriliwi mólsherlengen ólshew qurallaríníń úlgileri mámleket qabíl sínawlarínan ótkiziliwi shárt. Bul sínawlardíń jaqsí nátiyjeleri ólshew qurallaríníń túrin tastíyíqlawǵa hám islep shíǵíwǵa ruxsat beriwge hámde úzliksiz ráwishte ólshew predmetinen paydalaníw múmkinligine tiykar boladí. “Ózstandart” agentligi tárepinen tastíyíqlanǵan ólshew qurílmalarí túrleri mámleket rееstirine kiritiliwi shárt.
Mámleket tekseriw sínawlarínan islep shíǵarílíp atírǵan hám dawirlik tárizde shet ellerden kеltirip atírǵan toplam ólshew qurílmalarí úlgileri ótiwi shárt:

• 
  úzliksiz islep shíǵaríwǵa hám shеt elden kiritilip atírǵan toplamlarǵa ruxsat bеrilgen waqíttíń juqmaqlaníwí múnásibeti menen;
  
• 
  ólshew qurallaríníń metrologiyalíq хaraktеristikalarí normativlerine tásir qílíwshí konstruktiv yamasa olardí tayarlaw tехnologiyalarína ózgertiriwler kiritilgende;
  
• 
  islep shíǵarílíp atírǵan hám dawirlik tárizde shet ellerden keltirilip atírǵan ólshew qurílmalar toplamí túrlerin hám normativ hújjetler talaplarína sáykes kеliwin tekseriw tártibinde.
  

Mámleket tekseriw sínawlaríníń jaqsí nátiyjeleri, olardí úzliksiz islep shíǵíwín dawam ettiriwge tiykar boladí.