Bino va inshootlarni barpo etish texnologiyasi 5580200 − «Bino va inshootlar qurilishi»
Download 1.14 Mb. Pdf ko'rish
|
Bino va inshootlarni barpo etish texnologiyasi
|
Nazorat savollari 1. Ko‘p qavatli yaxlit quyma binolarni sirpanuvchi qolipda barpo qilishda qurilish maydoni qanday tashkil qilinadi? 2. Ko‘p qavatli yaxlit quyma binolarning devorlarini sirpanuvchi qolipda betonlashda ishlar va mehnatni tashkil qilish. 3. Ko‘p qavatli yaxlit quyma binolarning devorlarini sirpanuvchi qolipda betonlash texnologiyasi. 4. Ko‘p qavatli yaxlit quyma binolarni sirpanuvchi qolipda barpo qilishda zina elementlarini montaj qilish texnologiyasi. 5. Ko‘p qavatli yaxlit quyma binolarni sirpanuvchi qolipda barpo qilishda orayopmalarni «pastdan-yuqoriga» usulda betonlash texnologiyasi. 38 6. Ko‘p qavatli yaxlit quyma binolarni sirpanuvchi qolipda barpo qilishda orayopmalarni «yuqoridan-pastga» usulda betonlash texnologiyasi. 10. Yirik blokli, panelli va hajmli-blokli binolarni barpo qilish. Binolarning qurilish-konstruktiv yechimi. Qurish maydonini, ishlarini va mehnatni tashkil qilish. Binolarni barpo qilishda jarayonlar tarkibi va texnologiyasi Binolarning qurilish-konstruktiv yechimi. Yirik blokli binolarning qurilish-konstruktiv yechimi quyidagicha. Binolarning poydevorlari − tasmasimon. Yirik blokli binolar beton, temirbeton yoki g‘ishtli bloklardan barpo qilinishi mumkin. Eng keng tarqalganlaridan biri − bino qavatining tashqi devorlari ikki va to‘rt qator qirqimiga ega bo‘lgan yirik blokli uylardir. Ikki qator qirqimli yirik blokli binolarning tashqi devorlari uch turdagi asosiy bloklardan yig‘iladi: devorlararo, deraza osti bloklari va tutashtirma-bloklardan. Тo‘rt qator qirqimli yirik blokli binolarda tashqi devorlar ham xuddi shunday bloklardan yig‘iladi, biroq derazalararo blok farqli ravishda balandligi bo‘yicha uchta elementdan tashkil topgan bo‘ladi. Yirik blokli binolarning ichki devorlari balandligi bo‘yicha bir qator, yoki to‘rt qator qirqimli bo‘lishi mumkin. Zina elementlari va orayopma plitalar oddiy temirbeton elementlaridan iborat bo‘ladi. Тomi − yassi bo‘lib, tom qoplamasi o‘ramli ashyolarni qo‘llab quriladi. Хonalar ichkarisining pardozlanishi devorlarga gulqog‘ozlar yopishtirish yoki devor va shiftlarni suvli-emulsiyali tarkiblar bilan bo‘yashdan iborat bo‘ladi. Pollari − linoleumdan. Binoni tashqi tomondan pardozlash − devorlarni fasad uchun ishlatiladigan bo‘yoqlar bilan bo‘yashdan iborat bo‘ladi. Yirik panelli binolar karkassiz-panelli, qisman karkasli va karkasli- panelli bo‘lishi mumkin. Eng keng tarqalgani- birinchi ikki turi hisoblanadi. Bu binolar yuk ko‘taruvchi tashqi va ichki devor panellaridan va pardevorlardan barpo qilinadi. Zinalar elementlari – yig‘ma temirbetondan, yopma va orayopma plitalar bitta xonaning o‘lchamiga to‘g‘ri keladigan qilib temirbetondan tayyorlanadi. Тom qoplamasi, ichki va tashqi pardozlanishi − huddi yirik blokli binolarnikiga o‘hshash. Hajmiy-blokli binolar blok-xonalar va blok-kvartiralardan, ya’ni zavodga oid tayorgarlik darajasi juda yuqori bo‘lgan elementlardan tashkil topadi. Zavoddagi ishlab chiqarish jarayonining texnologiyasiga ko‘ra binolarning blok-xonalari va blok-kvartiralari foydalanishga topshirish 39 darajasiga deyarli to‘la tayyor holatda ishlab chiqarilishi lozim. Ularda ichki pardozlash ishlarining hammasi bajarilgan, deraza bloklari o‘rnatilgan va deraza oynalari qo‘yilgan, eshiklari o‘rnatilgan, sanitar- texnika jihozlari, kuvur yo‘llar, elektr tarmoqlari, yoritish qurilmalari montaj qilingan bo‘lishi mumkin. Hajmiy-blokli binolarning tom qoplamasi va tashqi pardozlash ishlari huddi yirik blokli binolardagi kabi bajariladi. Download 1.14 Mb. Do'stlaringiz bilan baham: 
|