Bino va inshootlarni barpo etish texnologiyasi 5580200 − «Bino va inshootlar qurilishi»

 
Qurilishga oid va maxsus loyihalashtirish 
 
Binolarni qayta qurish, ta’mirlash va qayta tiklashni loyihalashtirish 
bilan maxsus tayergarlikni o‘tgan xodimlar va tashkilotlar shug‘ullanadilar. 
Loyihalash dastlab binoni tekshirib chiqishdan boshlanadi. Ushbu 
maqsadlarda binoning barcha konstruktiv elementlari: zamin va 
poydevorlaridan tortib, to tom qoplamasigacha ko‘zdan kechiriladi va 
tegishli asbob-uskunalar bilan bajariluvchi uslublardan foydalanib batafsil 
tekshirib chiqiladi. Тekshirish davomida aniqlangan nuqsonlar, ularning 
tavsifi va mazmuni haqidagi ma’lumotlar batafsil yozib boriladi, 
shikastlangan konstruksiyalarning sxemalari chizilib, bu chizmalarda 
60

---

barcha uzunlik o‘lchamlari keltiriladi. Тekshirishlar to‘liq yakunlanganidan 
so‘ng aniqlangan nuqsonlarning dalolatnomasi tuziladi. Aniqlangan 
nuqsonlar dalolatnomasi va loyihalashga vazifa asosida esa binoning 
konstruktiv elementlarini ta’mirlash va qayta qurish usullari belgilanadi, 
rejalashtirish va konstruktiv yechimlari ishlab chiqiladi, qurilishga oid 
chizmalar (tarhlar, qirqimlar, fasadlar ko‘rinishlari va boshqa chizmalar) 
chiziladi. Shu bilan birga loyhaning maxsus bo‘limlari (elektrotexnika, 
santexnika, shamollatishga oid, texnologik asbob-uskunalarni montaj qilish 
va boshqa bo‘limlar) va ularga mos keluvchi chizmalar ham ishlab 
chiqiladi. Ayrim ishlarning turlari bo‘yicha va umuman binoni ta’mirlash 
va qayta ta’mirlash uchun smetalar tuziladi. Shuday qilib, ishlab chiqilgan 
loyiha-smeta hujjatlari belgilangan tartibda kelishuvdan o‘tkaziladi va 
tasdiqlanadi.
Binolarni ta’mirlash, qayta qurish va qayta tiklash ishlari murakkab va 
o‘ziga xos hususiyatlarga ega. Shuning uchun muqarrar ravishda qurilish-
ta’mirlash ishlarini bajarish va tashkil qilish bo‘yicha texnologiyaga oid 
loyihalarni ishlab chiqish talab qilinadi.