Bob. Menejer va rahbarlik uslubi

Nizoni bartaraf qilish jaryonidagi xatti-harakatlar:
• Mavzudan chetlashish. Diqqatni boshqa yo‘nalishga qaratish.
• Murosaga kelish. Hech bo‘lmasa joriy kelishuvga erishish.
• Nizoni muzlatish, saqlab qolish.
• Ishontirish. Hokimlik pozitsiyasida emas, balki teng huquqlik asosida echimni topish.
Esda tuting:
• nizo doirasini kengaytirmang;
• murosaga keluvchi pozitiv qarorlarni taklif qiling;
• cho‘rt kesar, qat’ilik shakllarni qo‘llamang;
• shikoyatlar sonini kamaytiring;
• ikkinchi darajali tomonlarga e’tibor bermang;
• tomonlar gaplarini bo‘lmang, ularning bir-birini tan olishlariga erishing;
• mavzuga umumiy qarashlarni hosil qilishga harakat qiling.
Nizoli holatlarning oldini olish va undan muvaffaqiyatli chiqishning eng ishonchli vositasi - bu har bir kasbga xos xulqni, muomala madaniyatini shakllanib, sayqallanib mahorat darajasiga etkazilgani.
Nizoli holatdan muvaffaqiyatli chiqishning birinchi sharti - bu murosaga kela olishlik. Ikkinchi sharti - bu nizoli holatni aniq idrok etish. YA’ni, o‘z izzat-nafsini engib o‘tib, suhbatdoshi (“raqibi”)dan kechirim so‘rashdir.
Nizoning kelib chiqishi va uning asosiy sabablari:

1. 
   qo‘pollik, andishasizlik - 24%;
   
2. 
   majburiyat va natijalarga taqsimlash - 30%;
   
3. 
   ko‘ra olmaslik va baxillik - 12%;
   
4. 
   ehtiyotkorsizlik, intizomsizlik, jizzakilik, chiqisha olmaslik, sho‘rtumshuqlik - 34%.
   

Salohiyatli, bilimli rahbar lavozim pillapoyalariga ko‘tarilib boradi.
Lavozim - bu korxona, muassasa, idora va tashkilotlarda biror rasmiy xizmat bajarish bilan bog‘liq bo‘lgan vazifa. U mansab yoki amal deb ham yuritiladi. Sizni rahbaringiz yangi lavozimga o‘tkazish uchun chaqirdi. Bunday holatda siz quyidagilarga rioya qilmog‘ingiz darkor.
Suhbatgacha:
• mumkin bo‘lgan savollarni o‘ylang va ularga aniq javoblar tayyorlang;
• suhbatdoshingiz uchun mumkin bo‘lgan shunday savollarni o‘ylangki, u savollarga beriladigan javoblar umumma’lum bo‘lmagan javoblar bo‘lsin;
• o‘zingiz haqida ma’lumotni tayyorlang;
• uchrashuvga 5-10 daqiqa vaqtli keling;
• suhbatdoshingizning ismi-sharifi, familiyasini aniq bilib oling va uni esda tuting;
• o‘ta zamonaviy emas, balki konservativ kiyining.