Бола – одоби билан азиз (Фарзанд тарбиялашда ота-оналарга маслаҳатлар) Нашрга тайёрловчи: Зиёвуддин Раҳим

Otning tuyoqlari nechta?
(Ibratli hikoya)
ir kuni imom Abu Hanifa otda ketayotgan edi. Shunda u 
zotdan:
– Otning tuyoqlari nechta? – deb so‘rashdi.
Imom otdan tushib, otning oyoqlarini sanab ko‘rdilar va:
– To‘rtta, – deb javob berdi.
Bu bilan javob berish haqida shogirdlarga katta saboq bergan 
edi.
Aziz bolalar, ko‘rdingizmi, savolga javob berishda juda 
ehtiyotkor bo‘lish kerak. Biron narsani aniq bilsa-da, yana bir 
mulohaza qilib javob berish lozim ekan. Zero, dono xalqimiz 
bekorga “etti o‘lchab, bir kes”, deb aytmagan.
Kechirimli bo‘lish fazilati
ziz farzandim, hech bir odam xatodan xoli emas. Hamma 
xato qiladi, yanglishadi. Yoki bironta ham xato va 
nuqsoni yo‘q mukammal bir insonni ko‘rganmisan? Yo‘q, bunday 
odam aslo bo‘lmas. Shunday ekan, odamlar bir-birining xato va 
kamchiliklarini kechirish, ularni tuzatishga harakat qilishlari va 
bir-birlarini qo‘llab-quvvatlab, hayotda hamjihat bo‘lib yashashlari 
kerak. Hatto dushman deb qaralgan odamga ham insof bilan 
muomala qilinadi. Agar dushmanim deb unga zulm va adolatsizlik 
qilinsa, buning oqibati yomon bo‘ladi. Kechirimlilik dushmanni 
do‘stga, bag‘ritoshlik esa do‘stni dushmanga aylantirishi mumkin. 
Demak, bag‘rikeng va kechirimli bo‘lish hayotdagi shioring 
bo‘lsin!

---

– 340 –
Bolalar lug‘ati
Kechirimli bo‘lish – birovning xatosini kechirish, 
bag‘rikeng va mehribonlik.
Yanglishmoq – adashish, xato qilish.
Hamjihat – ahil, inoq.
Bag‘ritoshlik – berahmlik, shafqatsizlik.
Bag‘rikenglik – biron narsaga ochiq ko‘ngil bilan yondashish, 
qalbni keng qilish.
Foydali nasihatlar
1. Sen kechirish xislatini o‘zingga shior qil, 
atrofingdagilardan arzimas gunohlari uchun yuz 
o‘giraverma!
2. Kechira olish mardlik va kechira olmaslik 
nomardlikdir.
3. Gunohkor kishining gunohini kechir, adovat 
ildizini kes va qo‘porib tashla.
* * *