Болалар жарроҳлигининг ривожланиш тарихи. Замонавий текшириш усуллари. Болалар жарроҳлигида деантология. Қорин бўшлиғида ўткир жараёнлар (аппендицит, перитонит, орттирилган ичак тутилишлари). Болаларда диафрагмал чурралар

Классификацияси:
1.Келиб чиқиши бўйича:
а) бирламчи (инфекция маънбаси қорин бўшлиғидан ташқарида бўлади ва у гематоген, лимфоген,контакт йўллар билан қорин бўшлиғига тушади).
б) иккиламчи (инфекция маънбаси қорин бўшлиғи аъзолврини тешилиши хисобига, мисол учун перфоратив аппендицит)
2.Қоринда йиғилган эксудат характери бўйича: сероз, йирингли, ахлатли, хилез, геморрагик, ўтли, сийдикли ва бошқ.
3.Йирингли жараённи қоринда қоринда тарқалиши даражасига қараб:
А) махаллий (чегараланган, чегараланмаган)
Б) тарқалган (диффуз, тарқалган)
Қорин бўшлиғи 9 та анатомик қисмдан иборат, булар қуйидагилар: эпигастрал, ўнг қовурға ёйи ости, чап қовурға ёйи ости, ўнг ён канал, чап ён канал, киндик, ўнг ёнбош, чап ёнбош ва кичик чаноқ сохалари. Агар патологик жараён 1 ёки 2 та сохага тақалган бўлса, бу махаллий перитонит дейилади. Агар 2-5 та сохага тарқалган бўлса диффуз, 5-9 тага тарқалган бўлса тарқалган перитонит дейилади. Агар аппендикуляр инфильтрат ва аппендикуляр абсцесс шаклланган бўлса у холда чегараланган махаллий перитонит дейилади.
4.Касаллик босқичига қараб:
а) реактив фаза - дастлабки 24 соат
б) токсик фаза – 24-72 соат
в) терминал фаза - 72 соатдан кўп
Перитонит патогенези. Микроб ва микроб токсинлари ва уларнинг парчаланиш махсулотлари кон ва лимфага сурилади. Бу моддалар протеолитик хусусиятларга эга булиб, оксилни парчалаб, гистамин ва гистаминсимон моддалар ажралиш микдорини оширади. Бу моддалар томирни кенгайтирувчи хусусиятга эга булиб, томир утказувчанлигини оширади ва сув ва оксиллар томирлардан чика бошлайди. Корин бушлигига сув ва оксиллар эксудатцияси кучаяди.протеолитик ферментлар таъсирида ичак харакати тормозланади.
Сув йукотилиши суюк ахлат, кайд оркали, терлаш, хансираш туфайли келиб чикади. Ичак парези туфайли унинг ичида куплаб суюклик тупланиб колади. Кон окимида сув йуколиши туфайли ОЦК камаяди, гиповолемия натижасида тукималарда кислород етишмаслиги келиб чикади. Бунга жавобан периферик томирлар ва буйрак томирлари спазми ривожланади, яъни «кон айланиши марказлашуви» юрак ва мияга кон купрок келиши кузатилади.
Буйракда кон окими пасайиши натижасида буйрак коптокчаларида сийдик фильтрацияси камаяди ва буйрак ишемияси келиб чикади. Буйрак функцияси бузилиши гидроион ва метаболик узгаришларга олиб келади. Тери томирлари спазми туфайли иссиклик ажралиши бузилиши натижасида гипертермия ривожланади. Иссиклик регуляцияси ва алмашинуви уртасида мувозанат бузилади.