Болаларга амбулатор-поликлиника муассасаларида тиббий хизмат кўрсатишни янада такомиллаштириш чора-тадбирлари тўғрисида

11.2. Озиқланишнинг бузилиши ҳолатини ва камқонликни таснифлаш
Озиқланиш ҳолати хусусида учта тасниф бор: ОЗИҚЛАНИШНИНГ ОҒИР БУЗИЛИШИ, KАМВАЗНЛИК ва KАМВАЗНЛИК ЙЎҚ. Бундай таснифланган болаларни давосини аниқлаш ва даволаш III ва IV қисмларда беринган.
Мисол : Озиқланишнинг бузилиши ҳолатини таснифлаш жадвали

БЕЛГИЛАР	ТАСНИФЛАНГ	ДАВОСИ (касалхонага юборишдан аввал қилинадиган шошилинч даво қора ҳарфлар билан ажратилган)
§ Кўзга ташланадиган оғир озғинлик ёки § Иккала оёқ панжаларида шиш	ОЗИҚЛАНИШНИНГ ОҒИР БУЗИЛИШИ	Ø Гипогликемиянинг олдини олинг Ø ЗУДЛИК билан касалхонага юборинг
§ Вазн ёши учун кам	KАМВАЗНЛИК	Ø Боланинг овқатланишини баҳоланг ва тавсияга мувофиқ, овқатлантириш бўйича онага маслаҳат беринг Ø Онасига қачон зудлик билан қайтиш лозимлигини тушунтиринг Ø Кейинги ташриф 14 кундан сўнг
§ Вазни ёши учун мос ва озиқланишнинг бузилиши белгилари йўқ	KАМВАЗНЛИК ЙЎҚ	Ø Боланинг ёши 2 ёшга тўлмаган бўлса, унинг овқатланишини баҳоланг ва тавсияга мувофиқ, овқатлантириш бўйича онасига маслаҳат беринг - Агар овқатлантириш бўйича муаммо бўлса, кейинги ташриф 5 кундан сўнг Ø Онасига қачон зудлик билан қайтиш лозимлигини тушунтиринг

Боланинг овқатланишини баҳолашингиз керак, агар:
· Боланинг ёши 2 ёшгача бўлса, ёки
· Боланинг ҳолати КАМ ВАЗНЛИК ва/ёки КАМҚОНЛИК деб таснифланса.
Қандай қилиб боланинг овқатланишини баҳолаш ва онасига овқатлантириш ва суюқликлар бўйича маслаҳат беришни “Онага маслаҳат беринг ва самарали мулоқот кўникмаларидан фойдаланинг” деб номланган V қисмнинг (Овқатлантириш бўйича онага маслаҳат беринг) 26 БОБида батафсил билиб оласиз (қаранг - ИЛОВА Е).