Boyan tamır quramındaǵı hár qıylı biologiyalıq aktiv birikpeler oǵan
Download 226.06 Kb. Pdf ko'rish
|
4.1 BAP BIOLOGIYALÍQ ÁHIMIYETI
- Bu sahifa navigatsiya:
- 4.4. Boyannıń onkoprotektiv qásiyetleri
|
4.3. Boyannıń gepatoprotektiv tásiri
Boyanǵa tiykarlanǵan dárilerdiń antiviruslıq aktivligi, antitoksinlik qásiyetleri olardı gepatit B hám C sıyaqlı qáwipli keselliklerdi emlewde qóllaw imkaniyatın beredi. [15, 23]. Izertlewler boyan quramındaǵı LG hám GB siyaqlı flavonoidlardıń qorǵawshılıq qásiyeti tetraxlormetan sebebli júzege kelgen gepatotoksinlikte qan hám bawır quramındaǵı tranaminaz fermentiniń tómenleniwine alıp kelgeninde kóriwge boladı [78]. Transaminaz toparına kiriwshi aspartataaminotransferaza (AsAt) antigen-antidene reaksiyasında fosfolipaza A2 aktivleskennen keyin kletka (membrana) lizissin keltirip shıǵarıwına sebebshi bolıwı múmkinligi anıqlanǵan [62.]. Izertlew maǵlıwmatları sonı kórsetedi, bul sistemaǵa Glicirrizin qosılıwı gepatotsitlerdiń AsAt islep shıǵarıwdı azaytadı. Nátiyjede fosfolipaza A2 aktivligine ingibitorlıq tásir etedi [41,76]. Gepatoprotektiv qásiyetleri boyannıń quramındaǵı birikpelerdiń antioksidant aktivligi menen de baylanıslılıǵı anıqlandi. GK superoksid radikalı hám vodorod peroksid payda bolıwına ingibitorlıq tásir etedi, sonıń menen birge, tromboksan B sintezine da ingibitorlıq tásir etedi. Óz gezeginde, GB tómen tıǵızlıqtaǵı lipidler menen baylanısadı, bul olardıń oksidleniwin qıyınlastıradı. [22,104]. Boyan ekstraktı fermentlerdiń antioksidant aktivligin hám vodorod peroksid utilizaciya qılıwda qatnasatuǵın qanda belok bolmaǵan tiollar payda bolıw dárejesin asırıwı kórsetilgen. [78]. 4.4. Boyannıń onkoprotektiv qásiyetleri Kóplegen izertlewler maǵlıwmatları sonı kórsetedi, boyan ekstrakti sút bezi qawipli óspesinde [63] hám prostata bezi qawipli óspesinde [45.] de onkoprotektiv ózgeshelikke iye. Sút bezi óspesi kóbinese suyeklerde tarqaladı. Suyek metastazları hám mikro ortalıq ortasındaǵı óz-ara tásir ósimte jugin de, suyeklerdiń joq etiliwin da asıradı.. Sol sebebli jabıq cikldıń ózara hárekettesiwin kez kelgen nuktesindegi bloklanıw sút bezi óspesi menen awırǵan nawqaslarda qawipli osteolitikalıq zaqımlanıwdı azaytı múmkin [29]. Nátiyjeler boyan ekstraktınıń sút bezi óspesi sebepli kelip shıqqan suyeklerdiń jemiriliwine qarsı qorǵaw tásirin kórsetedi. [34]. Boyan ekstraktı sút s bezi óspe kletkalarınıń tirishiligin tómenletedi, yaǵnıy óspe kletkaları tárepinen baslanǵan, osteoblaslardaǵı NF-kB(RANKL) receptorlıq aktivator ligantınıń ekspressiyasın, sonday-aq osteoblas kletkalarında m-RNK hám ciklooksigenaza-2 belok ekspressiyasın bloklaydı. [37]. Boyan ekstraktı suyek kemiginen alınǵan makrofaglarda RANKL tárepinen qozǵatılǵan osteoklastogenezge ingibitorlıq tásir etiwi kórsetilgen. Likoxalkon A hám izolikviritigenin suyek kemiginen alınǵan makrofaglarda RANKL tárepinen qozǵatılǵan osteoklast qáliplesiwin sezilerli dárejede bloklaytuǵını (ingibitor) kórsetilgen. [50]. Dáliller sonı kórsetedi, boyan ekstraktıń awız arqalı jiberilgen tıshqanlarda sút bezi kletkalarınıń rawajlanıwına tosqınlıq qılǵan nátiyjede óspe ósiwi hám suyeklerdiń jemiriliwi sezilerli dárejede tómenlegen. [34]. |
