Boymurodova X. Sattorova, Sh. Muslimova, F. Karimova

VI. Uyga vazifa berish. “Xatosini tushungan bola” hikoyasining 
II qismini o‘qish va mazmunini hikoya qilish. 
Maqtangan pand yeydi, 
Kamtarin qand yeydi.
Mevali daraxt yerga engashar, 
Mevasiz daraxt ko‘kka tirmashar.
Haddidan oshsa kishi,
Maqtanish bo‘lar ishi.

---

129
85-d a r s
Mavzu: “Nurxon bilan Burxon” (Miraziz A’zam).
Darsning maqsadi:
Ta’limiy: o‘quvchilarni she’r mazmuni bilan tanishtirish, to‘g‘ri va 
ongli o‘qishga, she’r qahramonlarini o‘zaro qiyoslab, shaxsiy xususiyat-
lari va o‘xshash tomonlarini topib, tegishli xulosa chiqarishga o‘rgatish.
TK 5: odobli bo‘lishga harakat qilish.
FK 1: she’rni ongli, ifodali o‘qiy olish, mavzuga mos maqol topa 
olish.
Tarbiyaviy: o‘quvchilarga mehribonlik, ahillik kabi insoniy fazilat-
larni singdirish.
TK 4: odob-axloq qoidalariga rioya qilish.
Rivojlantiruvchi: o‘quvchilarning asar asosida bahs-munoza-
ra qilish, ertak mazmunini qayta hikoyalash, matndagi so‘zlarning 
ma’nosini izohlay olish malakasini rivojlantirish. 
FK 2: asar mazmunidan ta’sirlana olish.
Dars turi: yangi tushuncha va bilimlarni shakllantiruvchi.
Dars metodlari: tushuntirish, “Venn diagrammasi”, “Topib o‘qi” 
mashqlari.
Dars jihozlari: ertak qahramonlari tasvirlangan rasmlar, multime-
dia ilovalari.
Darsning borishi:
I. Tashkiliy qism. Salomlashish. O‘quvchilarni darsga hozirlash. 
II. Uy vazifasini so‘rash va o‘tilgan mavzuni mustahkamlash.
O‘quvchilar “Xatosini tushungan bola” hikoyasini “Zanjir” usulida 
o‘qiydilar. 
O‘tilgan mavzuni mustahkamlash maqsadida o‘quvchilar hikoya 
mazmunini bitta xatboshidan so‘zlab beradilar. Mavzular asosida test 
o‘tkaziladi.